1A SA vosa ko Jiova vei Mosese kei Eroni e na vanua ko Ijipita, ka kaya,
2A vula o qo ena nomudoui matai ni vula; ena nomudoui matai ni vula ni yabaki.
3Drau vosa ki nai vavakoso taucoko ni Isireli, ka kaya, E na kenai katini ni siga ni vula o qo me ra taura na tamata yadua e dua na lami, me vaka na vale ni qase, e dua na lami ki na dua na vale.
4Ia kevaka sa lailai na lewe-ni-vale me rauta na lami, me rau taura vata kei na kai nona sa voleka ki na nona vale, me rauta na kedrai wiliwili na tamata; dou na wilika na tamata yadua, me vaka na ka sa daukania, ka me rauta ga na lami.
5A nomudou lami yadua me tawa ca, me tagane sa dua ga na kena yabaki; dou kauta maivei ira na sipi, se dua na luve ni koti:
6ia dou maroroya ka yacova na kenai katinikava ni siga ni vula ko ya: a ra na qai vakamatea e na yakavi na lewe vuqa ni vavakoso taucoko ni Isireli.
7Ia me ra taura e so na kena dra, ka boroya kina na kau e rua sa rube kina nai sogo, kei na kau ecake ni katuba, e na veivale era sa kania kina.
8Ia me ra kania na lewena e na bogi ko ya, ni sa tavu e na buka, kei na ka sa tawa vakaleveni; me ra kania vata kei na co gaga.
9Me kakua ni kania droka, se ni sa vakasaqa vakalailai e na wai, ka tavu ga e na buka; a uluna, kei na yavana, kei na kena gacagaca.
10Ia me kakua ni vo e dua na tikina me yacova na sabogibogi; ia na ka sa vo e na sabogibogi dou vakama e na buka.
11Ia dou vakaoqo ni dou sa kania; Me vauci na tolomudou, me vakaivava na yavamudou, ka me taura nai titoko na ligamudou; ia dou kania vakusakusa: ko ya na solevu ni lako-sivia i Jiova.
12Niʼu na lako voli e na vanua ko Ijipita e na bogi o qo, ka yavita na ulumatua kecega e na vanua ko Ijipita, na tamata kei na manumanu e yavai va; ia kaʼu na cudruvi ira kecega na kalou ni Ijipita: sa ko Jiova koi au.
13Ia na dra ena kemudoui vakatakilakila e na veivale dou sa tiko kina: ia niʼu sa raica na dra, kaʼu na qai lako sivi kemudou, ena sega ga ni yacovi kemudou na yaviti me vakarusa, niʼu sa yavita na vanua ko Ijipita.
14Ia na siga edaidai dou na dauna-numa; ia dou ia kina na solevu vei Jiova e na nomudou veitabatamata; dou ia kina na solevu, me ka vakaroti e tawa mudu.
15Sa bogi vitu dou kania na ka sa tawa vakaleveni; io e nai matai ni siga dou vakaseavutaka na leveni mai na nomudou veivale: ia ko ira kecega sa kania na ka sa vakaleveni e nai matai ni siga ka yacova nai kavitu ni siga, ena muduki tani na tamata ko ya vei ira na Isireli.
16Ia e nai matai ni siga enai soqosoqo tabu, e nai kavitu ni siga talega enai soqosoqo tabu vei kemudou; ena sega e dua na cakacaka me caka kina, a ka ga me kania na tamata yadua, o qori duaduaga e tara mo dou cakava.
17Ia dou na ia na solevu ni ka sa tawa vakaleveni; niʼu sa kauta tani na nomudou veivavakoso mai na vanua ko Ijipita, e na siga dina o qori: o koya mo dou nanuma kina na siga o qo e na nomudou veitabatamata, me ka vakaroti e tawa mudu.
18E nai matai ni vula, e na kenai katinikava ni siga ni vula ni sa yakavi mai, dou kania tiko na ka tawa vakaleveni, ka yacova nai karuasagavulu ka dua ni siga ni vula ni sa yakavi.
19E vitu na siga me kakua na leveni me kune e na nomudou veivale: ia ko ira kecega sa kania na ka sa vakaleveni, ena muduki tani na tamata ko ya mai nai vavakoso ni Isireli, se kai tani, sei taukei.
20Ena sega na ka sa vakaleveni mo dou kania; dou kania ga na ka sa tawa vakaleveni e na nomudou veivale kecega.
21A sa kacivi ira kecega na qase ni Isireli ko Mosese, a sa kaya vei ira, Dou laʼki toboka mai, ka kauta vei kemudou e dua na lami me vaka na lewe ni nomudou veivale, ka vakamatea nai soro ni lako-sivia.
22Ia dou kauta e dua nai vau isopa, ka tonia e na dra sa tiko e na bilo, ka yavita na kau ecake ni katuba, kei na kau e rua sa rube kina nai sogo, e na dra sa tiko e na bilo; ia me kakua e dua vei kemudou me curu yani e na katuba ni nona vale ka me mataka mada mai:
23ni na lako basika na vanua ko Jiova me yaviti Ijipita; ia ni sa raica na dra e na kau ecake ni katuba, e na kau e rua talega sa rube kina nai sogo, ena qai lako sivia ko Jiova na katuba, ka tawa laivi koya sa ia na veivakarusai me curuma na nomudou veivale me yavita.
24Ia dou vakabauta na ka o qo, me ka e lesi vei iko kei ira na luvemu ka tawa mudu.
25Ia ni dou na yaco mai ki na vanua sa solia vei kemudou ko Jiova, me vaka ka yalataka, dou na qai vakabauta nai valavala o qo.
26Ia ena yaco ni ra na tarogi kemudou na lu-vemudou, A cava na cakacaka o qo vei kemudou?
27dou na qai kaya, O qo nai soro ni lako-sivia i Jiova, o koya ka lako sivia na nodra veivale na luve i Isireli mai Ijipita, ni sa yaviti Ijipita, ka Vakabula na noda veivale. A ra sa cuva na tamata, ka soro.
28A ra sa lako yani na luve i Isireli, ka kitaka me vaka ka vakarota vei Mosese kei Eroni ko Jiova, era sa kitaka vakakina.
29A sa yaco e na lomaloma ni bogi, sa qai yaviti ira kecega na ulumatua e na vanua ko Ijipita ko Jiova, na ulumatua i Fero, e koya sa tiko e nonai tikotiko-vakaturaga, kei na nona ulumatua talega na bobula sa tiko e na vale butobuto; kei na ulumatua kecega ni manumanu e yavai va.
30A sa tu cake ko Fero e na bogi, ko koya, kei ira kecega era qaravi koya, kei ira kecega na kai Ijipita; a sa dua na tagi levu mai Ijipita; ni sa sega e dua na vale sa sega kina e dua sa mate.
31A sa kacivi Mosese kei Eroni ko koya e na bogi, ka kaya, Drau ia, drau lako tani e na kedra maliwa na noqu tamata, io koi kemudrau, kei ira na luve i Isireli; ia dou lako, qaravi Jiova, me vaka dou a kaya:
32dou kauta talega na nomudou sipi, kei na nomudou karavau, me vaka na nomudou vosa, ia dou lako; ka vosavakalougatataki au talega.
33Ia ko ira na kai Ijipita era sa cikevi ira na tamata, me ra vakatalai ira vakasauri yani e na vanua; ni ra sa kaya, Eda sa mate kecega.
34Ia ko ira na tamata era sa kauta na kedra madrai droka ni sa tawa vakalevenitaki, ia era sa colata lako na nodra ka sa natuki kina na madrai, sa oloni e na nodrai sulu.
35A ra sa kitaka na luve i Isireli me vaka na vosa i Mosese; a ra sa kerea maivei ira na kai Ijipita nai yaya siliva, kei nai yaya koula, kei nai sulu:
36a sa vakayalovinakataka ira na kai Ijipita ko Jiova vei ira na tamata, a ra sa solia kina vei ira na ka era sa kerea. A ra sa tokitaka na nodra yau na kai Ijipita.
37A ra sa toki mai Ramisesi ki Sukoci na luve i Isireli, e oba vakaonosagavulu na tamata bula sa lako e yavadra, ka sa tawa wili na gone.
38A sa lako cake vata kei ira nai vavakoso levu era dui kai-kai; kei na sipi kei na karavau, na manumanu na ka levu sara.
39A ra sa vavia nai buli madrai sa tawa vakaleveni, ia na madrai droka era sa kauta mai Ijipita, ni sa tawa vakalevenitaki; e na vuku ni ra sa biligi tani mai Ijipita, ka sega ni vakaberabera rawa, a ra sa sega ni cokonaka oti na kedrai vaqa.
40Ia na nodra tiko vulagi na luve i Isireli, era sa tiko kina mai Ijipita, sa va na drau ka tolusagavulu na yabaki.
41A sa yaco ni sa oti e va na drau ka tolusagavulu na yabaki, io e na siga dina ko ya, era sa lako tani nai vavakoso kecega i Jiova mai na vanua ko Ijipita.
42Ko ya na bogi me daunanumi vei Jiova, e na vuku ni sa kauti ira tani ko koya mai na vanua ko Ijipita: o qo na bogi ko ya i Jiova me ra daunanuma kecega na luve i Isireli e na nodra veitabatamata.
43A sa kaya vei Mosese kei Eroni ko Jiova, O qo nai valavala ni solevu ni lako-sivia: Ena sega ni kania e dua na kai tani:
44ia na nona tamata na tamata kecega sa voli e nai lavo, ena kania ni ko sa ciliva oti.
45A kai tani, kei na tamata sa voli na nona cakacaka, ena sega ni kania.
46Ena laukana e na vale e dua ga: mo kakua ni kauta kitautuba e dua na tiki ni lewena; ia dou kakua ni musuka e dua na suina.
47Era na cakava nai vavakoso taucoko ni Isireli.
48Ia ni sa tiko vulagi kei iko e dua na kai tani, ka sa via ia na solevu ni lako-sivia vei Jiova, me ra cilivi mada na nona tagane kecega, me qai toro mai ka kitaka; ena qai tautauvata kei nai taukei: ia sa tabu ni kana kina e dua na tamata sa sega ni cilivi:
49sa dua ga na vunau vua nai taukei, kei na kai tani sa tiko vulagi e na kemudou maliwa.
50A ra sa kitaka na luve i Isireli kecega; me vaka sa vunauci Mosese kei Eroni ko Jiova, era sa kitaka vakakina.
51A sa yaco e na siga dina ko ya, sa kauti ira na luve i Isireli mai na vanua ko Ijipita ko Jiova e vaka na nodra veivavakoso.
Who We AreWhat We EelieveWhat We Do
2025 by iamachristian.org,Inc All rights reserved.
