1A sa vosa ko Mosese, ka kaya, Ia, raica, era na sega ni vakabauti au, se rogoca na domoqu: ni ra na kaya, Sa sega ni rairai vei iko ko Jiova.
2A sa kaya vua ko Jiova, A cava o qori e na ligamu? A sa kaya ko koya, Ai titoko.
3A sa kaya ko koya, Viria ki na qele. A sa viria ki na qele, a sa yaco me gata; a sa dro e matana ko Mosese.
4A sa kaya vei Mosese ko Jiova, Mo dodoka na ligamu, ka taura na kena qilaikau: (a sa dodoka na ligana, ka taura, a sa yaco mei titoko e na ligana:)
5me ra vakabauta kina ni sa rairai vei iko ko Jiova na Kalou ni nodra qase, na Kalou i Eparaama, a Kalou i Aisake, a Kalou talega i Jekope.
6Sa kaya talega vua ko Jiova, Mo daramaka mada na ligamu ki na lomaseremu. A sa daramaka ko koya na ligana ki na lomaserena: ka ni sa ucuna mai, raica, sa vukavuka na ligana, me vaka na uca-vu-lavula.
7A sa kaya, Mo vakasuka tale na ligamu ki na lomaseremu: (a sa vakasuka tale na ligana ki na lomaserena; ka ni sa ucuna mai na lomaserena, raica, sa vuki tale me tautauvata kei na lewena kecega:)
8ia kevaka era sa sega ni vakabauti iko, ka tawa vakarorogo ki na domo ni vakatakilakila eliu, ena yaco era na vakabauta na domo ni vakatakilakila emuri:
9ia kevaka era sa sega ni vakabauta nai vakatakilakila e rua o qo, ka tawa vakarorogo talega ki na domomu, mo qai kauta e so na wai ni uciwai, ka sova yani e na qele mamaca: ia na wai ko na kauta mai na uciwai ena yaco me dra e na qele mamaca.
10Sa qai kaya vei Jiova ko Mosese, I noqu Turaga, kaʼu sa tamata sa sega ni levu na nona vosa, sa sega eliu, a sa sega talega o qo ni ko sa vosa oti vua na nomu tamata: niʼu sa vosa berabera, ka sa yame berabera.
11A sa kaya vua ko Jiova, O cei sa cakava na gusu ni tamata? se ko cei sa cakava na galu, kei na didivara, kei na matarai, kei na mataboko? oi au ko Jiova, se segai?
12ia o qo, mo lako, kaʼu na tiko kei na gu-sumu, ka vakavulici iko e na ka mo kaya.
13A sa kaya ko koya, I noqu Turaga, mo talai koya mada sa dodonu mo tala.
14A sa waqa mai na cudru i Jiova vei Mosese, a sa kaya, Sa sega beka ni tuakamu ko Eroni na luve i Levi? au sa kila ni sa vuku e na vosa ko koya: ka, raica, sa lako talega mai me mai tavaki iko: ia ni sa raici iko, ena reki na yalona:
15ia ko na vosa vua, ka tauca na vosa ki na gusuna: i ia kaʼu na tiko kei na gusumu, kei na gusuna, ka vakavulici kemudrau e na ka mo drau cakava:
16ia ena nomu vosa ko koya vei ira na tamata: ia ko koya, ena vaka na gusu vei iko, ia ko iko, ko na vaka na Kalou vua:
17ia ko na kauta e ligamu nai titoko o qo, ko na kitaka kina na veiva-katakilakila.
18A sa lako yani ko Mosese, ka lesu vei Jiciro na vugona, a sa kaya vua, Meʼu lako mada, meʼu talevi ira na wekaqu era sa tiko mai Ijipita, ka raica se ra bula tiko se segai. A sa kaya vei Mosese ko Jiciro, Mo lako e na vakacegu.
19Ia sa kaya vei Mosese ko Jiova mai Mitiani, Mo ia, mo lesu ki Ijipita: ni ra sa mate kece na tamata ka ra vakasaqara me vakamatei iko.
20A sa kauta ko Mosese na watina kei rau na luvena tagane, ka vakavodoki iratou e na asa, a sa lesu ki na vanua ko Ijipita: a sa kauta ko Mosese nai titoko ni Kalou e na ligana.
21A sa kaya ko Jiova vei Mosese, Ni ko sa laʼki lesu ki Ijipita, mo nanuma na cakacaka-mana kecega kaʼu sa solia vei iko, mo kitaka e na mata i Fero: ia koi au, kaʼu na vakaukau-wataka na yalona, ka na sega ni laivi ira na tamata ko koya me ra lako:
22ia ko na kaya vei Fero, Sa vaka ko Jiova, O Isireli, na luvequ, na noqu ulumatua:
23ia kaʼu sa kaya vei iko, Mo laiva na luvequ me lako yani, me qaravi au: ia kevaka ko sa bese ni laiva me lako, raica, kaʼu na vakamatea na luvemu, na nomu ulumatua.
24A sa yaco, ni sa lako e na sala ka tiko e na bure, sa veitata kaya ko Jiova, ka qara me vakamatea.
25A sa taura e dua na vatu gata ko Sipora, ka drutia laivi na vusona na luvena, a sa biuta ki na yavana, a sa kaya, Sa watiqu e na dra ko iko.
26Sa qai sega tiko ni tarovi koya ko koya: a sa kaya na alewa, A wati tagane e na dra, e na vuku ni veicilivi.
27A sa kaya vei Eroni ko Jiova, Mo lako ki na lekutu, mo tavaki Mosese. A sa lako ka veitata kaya mai na ulu-ni-vanua ni Kalou, ka reguca.
28A sa tukuna vei Eroni ko Mosese na vosa kecega i Jiova sa talai koya kina, kei nai vakatakilakila kecega sa vunautaka vua.
29A rau sa lako ko Mosese kei Eroni, ka vakasoqoni ira kece vata na qase vei ira na luve i Isireli:
30a sa tukuna ko Eroni na vosa kecega sa vosataka ko Jiova vei Mosese, ka kitaka nai vakatakilakila e matadra na tamata.
31A ra sa vakabauta na tamata; ia ni ra sa rogoca sa talevi ira na luve i Isireli ko Jiova, ka raica na nodra rarawa, era sa qai cuva ka soro.
Who We AreWhat We EelieveWhat We Do
2025 by iamachristian.org,Inc All rights reserved.
