1A SA bibi na dausiga e na vanua.
2Ia ni ra sa kania oti na sila era a kauta mai Ijipita, sa qai kaya vei ira ko tamadra, Dou lako tale, volia vakalailai na keda.
3A sa vosa vua ko Juta, ka kaya, Sa vakadinadina sara vei keda na tamata, ka vaka, Dou na tawa raica na mataqu, kevaka sa tawa tiko kei kemudou na tacimudou.
4Kevaka ko na tala vata kei keitou na taci i keitou, keitou na qai lako sobu ka volia na kemu:
5ia kevaka ko na tawa tala, keitou na sega ni lako sobu: ni sa kaya vei keitou na tamata, Dou na sega ni raica na mataqu, kevaka sa sega ni tiko kei kemudou na tacimudou.
6A sa kaya ko Isireli, A cava dou a tawa lomani au kina, ni dou a tukuna vua na tamata ni sa dua tale na tacimudou?
7A ra sa kaya, Sa tarotarogi keitou na tamata se keitou vakaevei, kei ira na weka i keitou, ka kaya, Sa bula tiko li na tamamudou? sa dua li na tacimudou? ia keitou a tukuna vua me vaka na vosa o qori: keitou a kila vakacava ni na kaya, Dou kauta sobu mai na tacimudou?
8A sa kaya ko Juta vei Isireli na tamana, Mo talai keirau vata kei na gone, keitou na qai tu cake ka lako; me datou bula kina, ka tawa mate, ko keitou, kei iko, kei ira talega na noda lalai:
9au nai koya me tarogi e na vukuna ke sa yali; mo tarogi au e na vukuna: kevaka kaʼu sa sega ni kauti koya mai vei iko, ka vakaturi koya e matamu, au na qai cala vei iko ka tawa mudu:
10kevaka keitou a tawa vaka-berabera, keitou sa qai tale vakania o qo.
11A sa kaya vei ira ko Isireli na tamadra, Kevaka sa qai vakaoqo, dou cakava o qo; dou kauta e na nomudou taga e so na vua ni vanua o qo sa vinaka cake, ka kauta sobu me ka ni loloma vua na tamata, e dua na pami lailai, ka dua na oni lailai, na ka boi vinaka, kei na mura, na ivi, kei na amodi:
12ka kauta e na ligamudou nai lavo me vakania: kei nai lavo sa kauti tale mai e na gusu ni nomudou taga, dou kauta tale e na ligamudou; de ka cala ga:
13dou kauta talega na tacimudou, ka ia, lako tale vua na tamata:
14ia na Kalou Kaukauwa, me solia vei kemudou mo dou lomani e na matana na tamata, ka me talai koya mai nai kadua vei kemudou na veitacini, kei Penijamini: ia koi au, kevaka sa yali vei au na luvequ, sa yali ga.
15A ra sa kauta na ka ni loloma ko ya ko ira na tamata, a ra sa kauta e ligadra nai lavo me vakarua, kei Penijamini; ka ia, ka lako sobu ki Ijipita, ka tu e na mata i Josefa.
16Ia ni sa raici Penijamini kei iratou ko Josefa, sa kaya vua sa lewa na; nona vale, Mo kauti ira na tamata o qo ki i vale, ka vakamate me magiti, ka vakarau: ni ra na vakasigalevu vata kei au ko ira.
17A sa kitaka na tamata ko ya me vaka ka kaya ko Josefa; a sa kauti ira na tamata ki na vale i Josefa.
18A ra sa rere na tamata, e na vuku ni ra sa kauti ki na vale i Josefa; a ra sa kaya, E na vuku ni lavo ka vakasukai eliu e na noda taga eda sa kauti kina, me ra wai keda kina, ka lutuki keda, ka vakabobulataki keda, kei na noda asa.
19A ra sa toro vua na tamata ka lewa na vale i Josefa, a ra sa veivosaki kaya mai na katuba ni vale,
20a ra sa kaya vua, Oi, turaga, keitou a lako dina mai eliu me voli kakana:
21ia sa yaco ni keitou a yaco ki na bure, keitou sa qai sereka na neitou taga, ka, raica, sa tiko na nonai lavo na tamata yadua e na gusu ni nona taga, ia na neitoui lavo kece sara: ia keitou sa kauta tale mai e na liga i keitou:
22kei nai lavo tani keitou sa kauta sobu mai e na liga i keitou, me voli kakana: keitou sa sega ni kila se ko cei ka viria na neitoui lavo ki na neitou taga.
23A sa kaya vei ira ko koya, Dou vakacegu ga, kakua ni rere: a nomudou Kalou, ko koya sa nona Kalou talega na tamamudou, sa solia vei kemudou na yau e na nomudou taga: kaʼu a taura na nomudoui lavo. A sa kauti Simioni mai kitautuba kivei ira.
24Ia na tamata ko ya sa kauti ira na tamata ki na vale i Josefa, ka solia na wai, a ra sa vuya na yavadra; a sa vakania ko koya na nodra asa.
25A ra sa vakarautaka na ka ni loloma ka waraki Josefa me lako mai ni siga levu: ni ra sa rogoca ni ra na kana maikea.
26Ia ni sa lako mai ki vale ko Josefa, era sa kauta vua na ka ni loloma sa tiko e ligadra ki na vale, a ra sa cuva vua ki na qele.
27A sa tarogi ira se ra vinaka tiko, a sa kaya, Sa vinaka tiko na tamamudou, o koya na qase dou a vosataka? sa bula tiko, se segai?
28A ra sa kaya, Na nomu tamata na tama i keitou sa vinaka ga, sa bula tiko. A ra sa vakarokoroko, ka cuva.
29A sa ta cake e na matana, ka raici Penijamini na tacina, na luve i tinana, a sa kaya, O qori beka na tacimudou sa gone, o koya dou a vosa kina vei au? Sa kaya talega, Me yalololoma na Kalou vei iko, na luvequ.
30A sa kusarawa ko Josefa; ni sa yavala na ketena e na vuku ni tacina: a sa qara na yasana me tagi kina; a sa curuma na yasana ni moce, ka tagi kina.
31Sa qai tavoya na matana, ka curu yani, ka kinoca, ka kaya, Dou tauca mai na magiti.
32A ra sa tauca vua vakai koya, vei ira talega vakai ira, vei ira talega na kai Ijipita era kana vata kaya vakai ira: ni sa dredre me ra kana vata na kai Ijipita kei ira na Iperiu; ni sa ka vakasisila o qori vei ira na kai Ijipita.
33A ra sa tiko e matana, sa tiko eliu ko koya sa ulumatua, a sa muri sara ko koya sa gone: a ra sa veivakidacalataki vakai ira ko ira na tamata.
34A sa kauti yani mai matana na kedra vei ira: ia na kei Penijamini sa levu cake, ka vakalima, e na kedra yadua. A ra sa gunu vata kaya, ka marau.
Who We AreWhat We EelieveWhat We Do
2025 by iamachristian.org,Inc All rights reserved.
