Sòm Yo 27 - Haitian Bible

Yon sòm David

1SENYÈ a se limyè mwen e És 33:2sali mwen.

Se kilès pou m ta pè? SENYÈ a se

defans lavi mwen.

Se kilès k ap fè m gen laperèz?

2Lè malfektè yo te rive sou mwen

pou yo ta devore chè m,

advèsè mwen yo ak lènmi m yo

te Sòm 9:3chape tonbe.

3Malgre yon lame ta fè kan kont mwen, kè m p ap pè.

Malgre lagè leve kont mwen,

malgre sa, m ap gen Job 4:6konfyans.

4Yon sèl bagay ke m te mande a SENYÈ a;

se li mwen va chache:

pou m ta kab rete lakay SENYÈ a

tout jou lavi m yo,

pou m kab gade bèlte SENYÈ a, e

reflechi jis nan fon kè m nan tanp Li an.

5Paske nan jou twoub la,

Li va Sòm 31:20 kache mwen nan tabènak Li.

Nan plas sekrè kote tant Li an ye a,

se la Li va fè m kache.

Li va leve mwen sou yon wòch.

6Epi koulye a, Sòm 3:3tèt mwen va vin leve wo

sou lènmi m ki antoure m yo.

Konsa, mwen va ofri nan tant Li sakrifis avèk gwo kri lajwa.

Mwen va chante, wi, mwen va chante lwanj a SENYÈ a.

7 Sòm 4:3 Tande, O SENYÈ, lè m kriye avèk vwa m.

Fè m gras e reponn mwen.

8Lè Ou te di m: Sòm 105:4“Chache wè figi Mwen”,

kè m te di Ou: “Figi Ou menm, O SENYÈ,

se li mwen va chache.”

9Pa kache figi Ou de mwen.

Pa detounen sèvitè Ou a pa deyò nan kòlè Ou.

Se Ou ki konn sekou mwen.

Pa abandone mwen, ni Sòm 37:28 kite m sèl,

O Bondye delivrans mwen an.

10Paske papa m ak manman m te abandone mwen,

Men És 40:11 SENYÈ a va ranmase mwen.

11 Sòm 25:4 Enstwi mwen nan chemen Ou, O SENYÈ.

Mennen m nan yon wout ki a nivo, akoz lènmi mwen yo.

12Pa livre mwen de dezi lènmi mwen yo,

paske Mat 26:60fo temwen yo vin leve kont mwen,

sila k ap respire vyolans yo.

13Mwen toujou gen konfyans sa a:

ke m va wè Sòm 31:19bonte SENYÈ a nan peyi a vivan yo.

14Tann SENYÈ a.

Sòm 31:24 Kenbe fòs Ou e kite kè Ou pran kouraj.

Wi, tann SENYÈ a.