Job 6 - Haitian Bible

1Epi Job te reponn:

2 Job 31:6 “O ke doulè m ta kab peze pou mete nan balans lan,

ansanm ak gwo dega ki vin sou mwen yo!

3Paske li ta pi lou Job 23:2pase sab lanmè yo.

Akoz sa a, pawòl mwen yo te tèlman san règ.

4Paske Job 16:13flèch Toupwisan an fin antre anndan m;

lespri m ap bwè pwazon.

Gwo laperèz Bondye a vin alinye kont mwen.

5Èske Job 39:5-8bourik mawon ranni sou zèb li,

oswa bèf rele sou manje li?

6Èske bagay san gou kapab manje san sèl,

oswa èske pati blan nan zye poul a gen gou?

7Nanm mwen Job 3:24p ap touche yo.

Yo tankou manje abominab pou mwen.

8“O ke sa m mande ta kab rive,

e ke Bondye ta ban m sa m anvi wè a!

9Ke Bondye Nonb 11:15ta dakò pou kraze m nèt,

ke Li ta lache men l pou retire mwen nèt!

10Kite sa toujou kòm konsolasyon mwen;

wi, kite mwen rejwi nan doulè k ap kraze mwen,

pou m Job 22:22pa t renye pawòl a Sila Ki Sen an.

11Ki jan fòs mwen ye, pou m ta tan?

Epi kilès lafen mwen, ke m ta dwe sipòte?

12Èske fòs mwen tankou wòch,

o èske chè m kon bwonz?

13Èske se pa ke nanpwen Job 26:2sekou anndan m,

ke tout sajès fin chase lwen mwen?

14“Paske pou nonm ki pèdi tout espwa a,

li ta dwe twouve konpasyon nan zanmi li;

menm a li menm ki Job 1:5kon pèdi lakrent Wo Pwisan an.

15Frè m yo te aji ak Jr 15:8desepsyon kon yon ravin,

kon flèv ravin ki vin sèch;

16ki vin sal tankou glas k ap fonn

kote lanèj kon kache.

17Nan Job 24:19sezon sèch, yo pa la;

lè li cho, yo disparèt sou plas yo.

18Chemen a kous pa yo tòde tout kote;

yo monte rive vin anyen;

yo vin disparèt.

19Karavàn És 21:14Théma yo te vin veye;

vwayajè Séba yo te gen espwa yo.

20Yo Jr 14:3te desi paske yo te mete konfyans;

yo te vini la, e te etone.

21Anverite, koulye a se konsa ou ye;

ou wè laperèz e ou vin pè.

22Èske mwen te di ou: ‘Ban m yon bagay’?

Oswa m te fè yon demann anba tab pou retire nan richès ou?

23Oswa ‘delivre m nan men advèsè a’?

Oswa ‘rachte mwen nan men opresè sila yo’?

24“Enstwi mwen e Sòm 39:1mwen va pe la!

Montre mwen kote mwen gen tò.

25Kèl doulè pawòl onèt sa yo genyen!

Men kisa diskou ou a pwouve?

26Èske ou gen entansyon repwoche pawòl mwen yo,

lè ou konnen se van ki mèt pawòl yo lè moun dekouraje nèt?

27Konsa, ou ta menm Jl 3:3tire osò pou òfelen yo

e fè twòk pou zanmi ou.

28Alò, souple, gade mwen e wè si se

Job 27:4 manti m ap fè nan figi ou.

29Rete la, koulye a e pa kite enjistis fèt.

Retounen kote m! Jiska prezan, Job 13:18ladwati mwen rete ladan an.

30Èske gen enjistis sou lang mwen?

Èske bouch mwen pa kapab distenge gou gwo malè?”