Vei Ira Na Kai Efeso 2 - AI VOLA TABU（FIJ1864）

Sa tukuna ko koga na nodrai valavala eliu, kei na ka vinaka era sa qai rawata e na vuku ni loloma walega ni Kalou, 1-10. Sa vakarota vei ira me ra kakua ni muria na nodrai valavala era sa tawa lotu, 11-22.

1A SA vakabulai kemudou, oi kemudou ka mate tu e na caka cala kei nai valavala ca;

2dou a tiko lako kina eliu me vaka nai valavala kei vuravura o qo, ni dou a muria tiko na nodra turaga era sa kaukauwa e na macawa, a yalo sa cakacaka tiko e lomadra era sa dautalaidredre;

3o ira eda sa valavala vata kaya oi keda kece e na gauna eliu, e na gadreva ca ni yagoda, ni da a muria tiko na dodomo ni yagoda kei na yaloda; ia na nodai tovo me da cudruvi, me vakataki ira na tani:

4ia, na Kalou, sa vutu ni loloma, e na vuku ni nona loloma levu sa lomani keda kina,

5io, ni da a mate tu e na caka cala, sa vakabulai keda vata kei Karisito, (a loloma walega dou sa vakabulai tu kina;)

6a sa vakatura cake vata, ka vakatikora vata kei Karisito Jisu e na veiyasana vakalomalagi:

7me vakatakila kina e na gauna ena muri mai nai yau levu sara ni nona loloma ni sa lomavinaka vei keda e na vuku i Karisito Jisu:

8ni sa loloma walega dou sa vakabulai kina e na vuku ni vakabauta; ia sa sega ni vuna koi kemudou; ai solisoli ga ni Kalou:

9sa sega e na vuku ni cakacaka, mo kakua kina e dua me vakalevulevui koya:

10ni da sa nona cakacaka, sa caka me da tu vata kei Karisito Jisu me ia nai valavala vinaka, o qori sa vakarautaka eliu ko na Kalou me da lako voli vakakina.

11O koya mo dou qai nanuma, ni dou sa tawa lotu eliu ni dou sa sucu vakakina, ia dou a vakatokai na Tawacili vei ira sa vakatokai na Cili sa cakava na liga e na yago;

12ni sa sega vei kemudou ko Karisito e na gauna ko ya, dou sa sega ni matanitu vata kei ira na Isireli, a sa sega ni nomudou na ka sa yalataki e na veiyalayalati, a sa sega vei kemudou nai nuinui, ka dou sa sega ni veiriti kei na Kalou, e vuravura:

13ia e na gauna o qo ni dou sa tu vata kei Karisito, oi kemudou ka yawa eliu sa qai voleka mai e na vuku ni dra i Karisito.

14Ni sai koya na vu ni noda veivinakati tale, o koya sa qisi keda ka rua me da dua bau, a sa basuka na bai sa ia kina na tawasei;

15ni sa vakarusa e na yagona na ka eda a veicati kina, a ya na vunau sa vakarota ko nai valavala ni lotu: me ia kina na veivinakati, ka qisi rau me rau tamata vou e dua bauga e na tu vata kaya;

16me vakaveivinakatitaki ruarua talega kei na Kalou me vaka ni sa dua bau na tamata e na vuku ni kauveilatai, ni sa vakamatea kina na Veicati:

17a sa lako mai ka vunautaka na ia na veivinakati vei kemudou sa yawa, vei ira talega era sa voleka:

18ni sai koya eda sa torova rawa kina na Tamada koi keda ruarua e na Yalo e dua bauga.

19O koya o qo dou sa qai sega tiko ni vulagi kina se kai tani, a sa koro vata kei ira era sa lotu, ka dou sa mataqali ni Kalou;

20ka dou sa tara cake e na nodra yavu nai apositolo kei ira sa dauvosa e na Yalo, ni sai koya ko Jisu Karisito sai teteki e na tutu-ni-vale:

21o koya sa sema vata kina na vale taucoko, a sa tubu cake kina me vale tabu ni sa tu vata kei na Turaga:

22o koya dou sa vakatataki vata talega kina me vale ni Kalou ni sa tiko kina na Yalo.