Vei Ira Na Kai Kalatia 2 - AI VOLA TABU（FIJ1864）

Sa tukuna ko koya na ka sa lako cake kina ki Jerusalemi, 1, 2; a sa tukuni Taito, 3-10. Sa tukuna na nona vunauci Petero, 11-21.

1EMURI, ni sa oti na yabaki e tinikava, au sa lako cake tale kei Parinapa ki Jerusalemi, a sa kauti Taito talega.

2Ia sai vakavuvuli ga e na raivotu kaʼu a lako cake kina; au sa tukuna talega vei ira nai tukutuku-vinaka kaʼu sa vunautaka tiko vei ira na veimatanitu, ia e vuni ga vei iratou eratou sa rogo, de ka wale na noqu cici o qo, se na noqu cici eliu.

3Ia sa sega ni vakasaurarataki me cilivi ko Taito, keirau sa tiko kaya, a kai Kirisi;

4e na vukudra ga na mataveiwekani vakailasu era sa kau vuni mai, o ira sa curu lo mai me ra vakaraica na noda lalaga eda sa rawata ni da sa tu vata kei Karisito Jisu, me ra vakabobulataki keda kina:

5ia keitou a sega ni talairawarawa vei ira me vakamalumalumutaki keitou, e segai sara e na dua bau na tiki-ni-siga; me tu dei kina vei kemudou na dina ni tukutuku-vinaka.

6Ia ko iratou eratou sa daurogo ni ratou sa ka levu cake, (se ratou vakaevei beka sa ka walega vei au; sa sega ni vinakata vakailoa e dua na tamata ko na Kalou;) io, ko iratou eratou sa daurogo, sa sega e dua na ka eratou sa vakaikuritaka vei au.

7Sa sega sara ni vakakina, ia ni ratou sa raica niʼu sa lesi meʼu vunautaka nai tukutuku-vinaka vei ira a tawa cili, me vaka ko Petero vei ira sa cili; (

8io, ko koya sa cakacaka e na loma i Petero mei apositolo vei ira sa cili, sa cakacaka e na lomaqu talega e na vukudra ua veimatanitu kisau:)

9ia ko iratou, ko Jemesi, kei Kifa, kei Joni, eratou sa daurogo ni ratou sa duru, ni ratou sa kila na loloma ka soli vei au, eratou sa solia vei keirau kei Parinapa na liga i matau ni veilomani, me keirau lako vei ira era sa tawa lotu, ia ko iratou vei ira sa cili:

10ia sa vakaroti ga, me keirau nanumi ira ua dravudravua; a ya talega kaʼu sa gumatua ni kitaka.

11Ia ni sa lako mai ki Anitioki ko Petero, au sa vorati koya e na matanavotu, e na vuku ni sa dodonu me vunauci.

12Ni sa kana vata eliu ko koya kei ira sa matanitu tani, ni ra sa tawa tadu mai e so maivei Jemesi; ia ni ra sa tadu mai, sa lako tani ko koya ka tawasei koya, ni sa rerevaki ira na cili.

130 ira talega na Jiu sa vo era sa ia vata kaya na veivakaisini ko ya; a sa kau vakatani talega kina ko Parinapa e na nodra veivakaisini.

14Ia ni kaʼu sa raica era sa sega ni valavala dodonu me vaka na dina ni tukutuku-vinaka, au a kaya vei Petero e na matadra kecega, Kevaka ko sa valavala tiko me vakataki ira sa matanitu tani ni ko sa Jiu, ka sega ni vakai ira na Jiu, e na vuku ni cava ko sa vakasaurarataki ira kina era sa matanitu tani me ra valavala me vakai ira na Jiu?

15koi keda, eda sa Jiu ni da sucu, ka sega ni tamatai valavala ca maivei ira ua veimatanitu tani,

16ni da sa kila sa sega ni vakadonui na tamata e na vuku ni cakacaka ni vunau, e na vuku ga ni vakabauti Jisu Karisito, io, eda sa vakabauti Karisito Jisu, me da vakadonui kina e ua vuku ni da vakabauti Karisito, a sa sega ga e na cakacaka ni vunau; ni sa sega na tamata ena vakadonui e na vuku ni cakacaka ni vunau.

17Ia kevaka eda sa kune koi keda talega me da tamatai valavala ca, ni da sa vakasaqara tiko me da vakadonui e na vuku i Karisito, sa qai vu beka ni valavala ca ko Karisito? E segai sara.

18Io, kevaka kaʼu sa tara cake tale na ka kaʼu a basuka sobu, au sa tukuni au kina niʼu sa tamata caka ca.

19Ni sa vunau kaʼu sa mate kina ki na vunau, meʼu bula vua na Kalou.

20Keirau sa vakoti vata kei Karisito ki ua kauveilatai: ia sa sega ga ni koi au dina sa bula tiko, o Karisito ga sa bula e lomaqu: ia na noqu bula vakayago o qo, au sa bula tiko kina e na vuku niʼu sa vakabauta na Luve ni Kalou, o koya ka lomani au, ka soli koya e na vukuqu.

21Au sa qai sega ni vakatawayagataka na loloma ni Kalou; ni sa tawa yaga mai na mate i Karisito, kevaka sa rawa na veivakadonui e na vunau.