Ai Vola I Osea Na Parofita 13 - AI VOLA TABU（FIJ1864）

Ni sa oti rawarawa na nodra vinaka, sa oti rawarawa na nodra tiko vinaka; a sa bula ga na loloma ni Kalou, 1-16.

1NI sa vosa ko Ifireimi, sa ia na rere, sa vakalevulevui ko koya e Isireli; ni sa caka cala ko koya e na vuku i Peali, sa mate.

2Ia o qo, sa ra gumatua tikoga e nai valavala ca, a ra sa cakava me nodra e so na matakau e vakawaicalataki e na nodra siliva, me vaka na nodra vuku, io na matakau, sa nodra cakacaka kece sara ga na matai: e ua ka o qori sa ra kaya, O ira na tamata sa soro me ra reguca na luve ni karavau.

3O koya o qo era na vaka kina na o e na sabogibogi, ka vaka na tegu e na mataka caca e ka yaliyali, me vaka na qa ni sila sa cagina tani sara e na rara ni sila, ka vaka na kubou e na katuba.

4Ia sai au ga ko Jiova na nomu Kalou mai na vanua ko Ijipita, ia e dua tale na kalou dou na sega ni kila, koi au ga, se dua tale nai vakabula, koi au ga.

5Oi au kaʼu a kilai iko mai na veikau, na vanua dravuisiga sara.

6Me vaka na nodra vakani, sa ra mamau vakakina; sa ra mamau, ka yaloviavialevu mai; o koya o qo sa ra guilecavi au kina.

7Ta kaʼu a tautauvata kina vei ira kei na laioni: me vaka na leparite e na sala kaʼu na yadravi ira:

8au na tavaki ira me vaka na pera sa yali na luvena, ia kaʼu na dresulaka na taga ni utodra, ka kani ira sara maikea me vaka na laioni: a manumanu kila ena dresulaki ira.

9Sai iko, Isireli, na vu ni nomu rusa; a sa vu ga vei au na nomui vukevuke.

10Sa qai evei na nomu tui, me na vakabulai iko e na nomu veikoro kecega; kei ira na nomu dauveilewai, ko a cavuta, ka vaka, Solia mai vei au e dua na tui ka so na turaga?

11Au sa solia vei iko e dua na tui, niʼu sa lesa; ka kauti koya tani, niʼu sa cudru.

12Sa tagani tu na caka cala nei Ifireimi; sa maroroi tu na nonai valavala ca.

13A rarawa ni alewa sa taratara ena yacovi koya: sa gone tawa vuku ko koya, ke sega, ke sa tawa tiko vakadede e na tikina e basuki maikina na gone.

14Mai na kaukauwa ni bulubulu, kaʼu na sereki ira; mai na mate, kaʼu na vakabulai ira: I mate, sa evei na nomu dauvcivakamatei? I bulubulu, sa evei na nomu dauveivakarusai? a veivutuni, ena tabonaki ga ki mataqu.

15Ke sa luvea ko koya e na kedra maliwa na tacina, ke na yaco ga na cagi mai cake, na cagi i Jiova mai na veikau, ka di mai na nonai keli-wai, ka vakadivi na nona mata-ni-wai: ena vakacacana ko koya na vale ni yaya daudomoni kecega.

16Ena vakalalataki ko Samaria, e na vuku ni sa talaidredre vua na nona Kalou: era na bale e nai seleiwai: a nodra gone lalai era na viritaki ki na vatu; a nodra alewa talega sa bukete, era na dresulaki.