1NI sa gone ko Isireli, kaʼu a lomani koya, ia mai Ijipita kaʼu a kaciva na luvequ.
2Ni ra sa kacivi ira, era sa lako tani ga vei ira: vei ira na Peali sa ra soro kina, ia ki na matakau ceuceu sa ra vakacaudreva kina na ka boi vinaka.
3Ia koi au, niʼu a vakavulici ira na Ifireimi e na lako, ka taura na ligadra; sa ra tawa kila ga niʼu a vakabulai ira.
4E na dali ni tamata kaʼu a yarataki ira, e nai vau ni loloma: ia kaʼu a tautauvata vei ira, kei ira sa laveta nai vau ki na gusudra, ia kaʼu a taura ga na kakana vei ira.
5Era na tawa lesu tale ki na vanua ko Ijipita, ia na kai Asiria, ena nodra tui ga ko koya, e na vuku ni ra bese ni veivutuni.
6Ia nai seleiwau ena tauca na nodra veikoro, ka vakaotia na tabana, ka kania, e na vuku ni ka era bosea.
7Ia na noqu tamata era sa guta ga na vuki tani vei au: ni ra kacivi ira vua sa Cecere, sa sega e dua sa vakacaucautaki koya.
8Au na laivi iko vakaevei, Ifireimi? au na soli iko yani vakaevei, Isireli? au na soli iko vakaevei mo tautauvata kei Etima? au na cakavi iko vakaevei mo tautauvata kei Sepoimi? sa saumaki na yaloqu e lomaqu, sa yavala sara mai na noqu dauloloma.
9Au na sega ni vakayacora na noqu cudru katakata, au na sega ni lesu meʼu vakarusai Ifireimi tale: niʼu sa Kalou, ka sega ni tamata; sai au na Yalosavasava e na kemudou maliwa: ia kaʼu na tawa curu yani ki na koro.
10Era na muri Jiova, ni na qai tagi ko koya me vaka na laioni: ni sa tagi ko koya, era na qai lako rere mai na luvena mai ra.
11Era na lako rere mai Ijipita me vaka na manumanu vuka, ka vaka na ruve mai na vanua ko Asiria: ia kaʼu na vakatikori ira e na nodra veivale, sa kaya ko Jiova.
12SA vakavolivoliti au e na lasu ko ira na Ifireimi, kei na mataqali nei Isireli e na veivakaisini: ia ko ira na Juta sa ra lewa vata tiko kaya na Kalou, ka lomadina vua sa Yalosavasava sara.
Who We AreWhat We EelieveWhat We Do
2025 by iamachristian.org,Inc All rights reserved.
