Ai Vola I Osea Na Parofita 6 - AI VOLA TABU（FIJ1864）

Ai vakaro me veivutuni, 1-3. Era sa vunauci na Isireli kei na Juta, e na vuku ni nodra lomalomarua, kei na nodrai valavala dauveivakaisini ka ca sara, 4-11.

1ME da mai lesu vei Jiova: ni sa ia na veidresulaki, ena vakabulai keda talega ko koya; sa ia oti na veiyaviti, ena vauci keda talega ko koya.

2Ena vakabulai keda e na bogi rua: o nai katolu ni bogi ena vakaturi keda tale, eda na qai bula e matana.

3Eda na qai kila, eda na gumatua me kilai Jiova: me vaka na mataka, sa vakarau tu na nona lako mai; io, ena lako mai vei keda me vaka na uca, me vaka na uca taumuri kei na uca taumada ki vuravura.

4A CAVA meʼu cakava vei kemudou, na Ifireimi? a cava meʼu cakava vei kemudou, na Juta? ia na nomudou yalololoma sa vaka na o e na sabogibogi, ka vaka na tegu e na mataka caca sa ka yaliyali.

5O koya o qo kaʼu sa tamusuki ira kina vei ira na parofita; kaʼu sa vakamatei ira e na vosa ni gusuqu: ia na nomudou cudruvi sa vaka na liva sa veitibiyaki.

6Ni sa yalololoma kaʼu sa vinakata, ka sega ni madrali; kei na kila na Kalou, ka sega ni soro kama.

7Ia ko ira, era sa vaka na tamata sa vakacacataka na veiyalayalati: ia maikea sa ra ia na veivakaisini vei au.

8Sai Kiliati, na koro ni daucaka cala, sa vakawena na qele e na dra.

9Ia me vaka sa ra lawavaka na tamata na matadaubutako, sa vakakina nai lawalawa bete, sa ra ia na veitaba ti e na sala sa kau ki Sikemi: io, na ka ca e nakiti era sa cakava.

10E na mataqali nei Isireli kaʼu a raica e dua na ka velavela: sa tu maikina na nodra veibutakoci na Ifireimi, sa vakadukadukalitaki ko ira na Isireli.

11Oi kemudou na Juta talega, sa lesi oti na kemudou vula i matua.