Ai Vola I Isirieli Na Parofita 42 - AI VOLA TABU（FIJ1864）

A nodra veitiki ni vale na bete, 1-12. A ka e yaga me caka kina, 13, 14. Ai vakarau ni lomanibai kisau, 15-20.

1SA qai kauti au yani ko koya ki na lomanibai kitaudaku, e na sala sa donuya na mata ni tokalau: a sa kauti au ki na veitiki ni vale sa donuya na yasana tabu, ka donuya talega na vale sa tara tu ki na mata ni tokalau.

2E matana ka caga rua na drau na kena balavu sa dua na katuba ki na mata ni tokalau, ia na kena raraba sa caga drau.

3Me veidonui kei na tikina caga vasagavulu ni lomanibai kiloma, kei na raravatu ni lomanibai kitaudaku, sa tu na kena virada e tolu e veitaqataqai.

4Ia e na mata ni veitiki ni vale sa dua kina nai gadegade ka caga ruasagavulu na kena raraba kiloma, ka dua na sala caga rua; ia na kedra katuba sa donuya na tokalau.

5Ia na veitiki ni vale ecake sa rabailailai sobu: e na vuku ni virada ni sa kana kina kiloma, ki na kena talega mai ra, kei na kena eloma ni vale.

6E na vuku ni sa vakaitabana e tolu, a sa tawa vakaduru me vaka ni sa vakaduru tu na veilomanibai: o koya o qo sa rabailailai sobu kina na veitiki ni vale e cake sara ki na kena kira sara, kei na kena e na kedrau maliwa kei na qele.

7Ia na bai kitaudaku e donuya na veitiki ni vale, kivakaki na lomanibai kitaudaku e na mata ni veitiki ni vale, sa caga drau na kena balavu.

8Ni sa kena balavu na veitiki ni vale e na lomanibai etaudaku na caga drau: ka, raica, sa caga rua na drau e na mata ni vale tabu.

9Ia e ruku ni veitiki ni vale o qo sa tu kina na kenai curucuru mai cake, ni sa curumi mai na lomanibai etaudaku.

10E na tadrua ni bai ni lomanibai ki cake, ka donuya na yasana tabu, ka donuya talega na vale e tara tu, sa tu kina na veitiki ni vale.

11Ia nai gadegade ki matana sa rairai tautauvata kei na veitiki ni vale ki na mata ni tokalau, sa balavu vata, ka raraba vata: ia na dui kedrai curucuru kece talega sai valavala vata kaya, a sa vaka talega kina na dui kedra katuba.

12Ka vaka na dui kedra katuba na veitiki ni vale ki na mata ni ceva sa yadua vaka talega kina na kedra katuba e na vu ni sala, io na sala sa qaradonu ki na bai, ni sa curumi mai cake.

13Sa qai kaya vei au ko koya, A veitiki ni vale ki na mata ni tokalau kei na veitiki ni vale ki na mata ni ceva, a ya sa donuya na yasana tabu, sa veitiki ni vale tabu o qori, ena kania kina maikea ko ira na bete era torovi Jiova na ka e tabu sara: era na karona maikea na ka e tabu sara, kei nai madrali laukana, kei nai soro ni valavala ca, kei nai soro ni caka cala; ni sa tikina tabu.

14Ni ra curu kina na bete, me ra kakua ni lako tani mai na tikina tabu ki na lomanibai kitaudaku, ia eke ga me ra virikotora na nodrai sulu ni nodra cakacaka; ni sa tabu o qori; me ra vakaisulu e nai sulu tani, a qai torova nai valavala vakatamata.

15Ia ni sa vakarauta oti ko koya na vale eloma, sa qai kauti au yani ko koya ki na matamata-ni-koro sa donui cake, a sa vakarauta voli sara.

16Sa vakarauta na yasana ki cake e na gasau i vakarau, sa gasau e lima na drau ni sa vakarauti voliti sara e na gasau.

17Sa vakarauta na yasana ki na tokalau; a sa gasau e lima na drau, ni sa vakarauti voliti sara e na gasau.

18Sa vakarauta na yasana ki na ceva, a sa gasau e lima na drau, ni sa vakarauti e na gasau.

19Sa qai lako voli yani ko koya ki na yasana ki ra, ka vakarauta, a sa gasau e lima na drau ni sa vakarauti e na gasau.

20Ki na mata ni cagi vava sa vakarauta kokoya: sa viribaiti voliti sara, a sa gasau c lima na drau na kena balavu, ka lima na drau na kena raraba, mc tawase tani kina na tikina tabu mai na tikina tawa tabu.