Ai Vola I Jeremaia Na Parofita 12 - AI VOLA TABU（FIJ1864）

O Jeremaia, ni sa rarawa e na vukudra na tamata ca ni ra dauyaco, sa kunea ni ra daucudruvi talega, 1-4. A Kalou, sa vakatakila vua ni ra sa daulawakicataki koya na kai nona, 5, 6; a sa tagicaki ira na nona tamata, 7-13. Sa yalataka vei ira sa veivutuni na bula mai na tiko vakabobula, 14-17.

1SA yalododonu ko iko, Jiova, ni dara sa veilewai kei iko: ia meʼu vosa mada vei iko e na vuku ni nomu lewa: A nodrai valavala na tamata ca, a cava sa dauyaco kina, ka ra tiko vinaka kecega era ia vakalevu na veivakaisini?

2O sa tei ira, io, sa ti sobu na wakadra: era sa tubu, io, era sa vua: sa voleka ko iko e na gusudra, ka yawa ki na lomadra.

3Ia ko iko, Jiova, ko sa kilai au: ko a raici au, ka sa vakatovolea na lomaqu vei iko: mo yarataki ira me vaka na sipi me vakamatei, ka lesi ira ki na siga ni veivakamatei.

4A cava na kena dede me tagi tiko kina na vanua, ka malai na co ni veiwere kecega, e na vuku ni nodra ca era tiko kina? sa oti na manumanu ni vanua kei na manumanu vuka; e na vuku ni ra sa kaya, Ena sega ni kunea ko koya na kedai otioti.

5Kevaka sai ira na tamata dou sa cici vata, ka ra sa vakaocataki iko, o na qai veiqati vakaevei kei na ose? ia kevaka sa vanua sautu ga ko sa vakacegu kina, o na qai caka vakaevei ni sa vuabale na Joritani?

6Ni sai ira talega na wekamu, kei na mataqali i tamamu, sai ira talega era sa ia na veivakaisini vei iko; sai ira talega era sa kacimuri iko vakalevu: ni ra sa vosa vinaka vei iko, kakua ni ko vakadinati ira.

7Au sa biuta na noqu vale, au sa vakalaiva na noqui votavota; au sa soli koya sa lomani e na vu ni yaloqu ki na ligadra na nona meca.

8Sa cakacaka vei au na noqui votavota me vaka na laioni e na veikau; sa ia mai vei au na nona tagi: kaʼu sa cati koya kina.

9Sa manumanu roka tani na noqui votavota vei au, na manumanu sa voliti koya era sa veivala kaya; dou mai soqoni vata kecega na manumanu ni vanua, dou mai kania.

10Ai vakatawa e vuqa era sa vakacacana na noqu were-ni-vaini, era sa butuka sobu na noqui votavota, era sa cakava na noqu vanua domoni me veikau lala:

11era sa cakava me tikina rusa, ia ni sa lala, sa tagi mai vei au; sa lala mai na vanua taucoko, ni sa sega na tamata sa vakasara ki lomana:

12ki na veitikina cecere kecega mai veikau era sa mai lako kina na dauvakacaca: ia nai seleiwau i Jiova sa kanakana voli mai nai yalayala ni vanua ki nai yalayala ni vanua: ena sega na vakacegu vua e dua na tamata.

13Era sa kaburaka na witi, ia na wa-vakavotona era na tamusuka: era sa dauvakaocataki ira, ena tawa yaga ga: ia dou na maduataka na nomudou vuata e na vuku ni cudru katakata i Jiova.

14SA vosa vakaoqo ko Jiova vei ira kecega na tamata ca era tiko volekati au, a ra tara na tikina kaʼu a vakatikori ira kina na Isireli na noqu tamata; Raica, oi au kaʼu na cavuti ira tani mai na nodra vanua, ia na mataqali i Juta kaʼu na cavuta mai na kedra maliwa:

15ia ena yaco, niʼu sa cavuti ira oti, kaʼu na qai lesu mai, ka lomani ira tale, ka kauti ira tale mai, na tamata yadua ki na nona tikina, kei na tamata yadua ki na nona vanua.

16Ia ena yaco, kevaka era na gumatua ni vulica nai valavala ni noqu tamata, me vosavavakini e na yacaqu, ka vaka, Sa bula ko Jiova; me vaka ni ra sa dauvakavulici ira na noqu tamata me vosavavakini vei Peali; era na qai vakatataki cake e na kedra maliwa na noqu tamata:

17ia kevaka era bese ni vakarorogo mai, kaʼu na cavuta laivi sara ka vakarusa na matanitu ko ya, sa kaya ko Jiova.