Ai Vola I Jeremaia Na Parofita 11 - AI VOLA TABU（FIJ1864）

Sa tukuna ko Jeremaia na veiyalayalati ni Kaloni, kei na nodra talaidredre kina na kai Jutia, 1-8; o koya o qo era sa ca kina, 9-17. Era na ca na kai Anacoci e na vuku ni ra sa buki vere kei Jeremaia, 18-23.

1A VOSA sa yaco vei Jeremaia maivei Jiova, ka vaka,

2Dou rogoca na vosa ni veiyalayalati o qo, tukuna vei ira na kai Juta, kei na kai Jerusalemi;

3ia mo kaya vei ira, Sa vosa vakaoqo ko Jiova na Kalou nei Isireli; Ena ca na tamata sa sega ni vakarorogo d na vosa ni veiyalayalati o qo,

4a va kaʼu a vakarota vei ira na nomudou qase o na siga kaʼu a kauti ira kina mai na vanua ko Ijipita, mai na lovo aironi, ka kaya, Dou vakarogoca na domoqu, ka cakava me vaka na ka kecega kaʼu sa vakarota vei kemudou: dou na yaco kina me noqu tamata, ia koi au kaʼu na yaco me nomudou Kalou:

5meʼu vakayacora kina na vosavavakini kaʼu a vosavavakini kina vei ira na nomudou qase, me solia vei ira na vanua sa dave kina na wai-ni-sucu kei na oni, me vaka e na siga o qo. Au a qai vosa, ka kaya, Me vakakina, Jiova.

6A sa kaya ko Jiova vei au, Mo vunautaka kecega na vosa o qo e na Veikoro vaka-Juta, kei nai saqata ni koro ko Jerusalemi, ka kaya, Dou rogoca na vosa ni veiyalayalati o qo, ka cakava.

7Niʼu a vakadinadina sara vei ira na nomudou qase e na siga kaʼu a kauti ira cake kina mai na vanua ko Ijipita, ka yacova na siga o qo, kaʼu sa sou e na sabogibogi ka vakadinadina, ka kaya, Dou vakarogoca na domoqu.

8A ra sa sega ni vakarorogo, se vakatu daligadra, era sa dui muria kecega na kaukauwa ni lomadra ca: o koya o qo kaʼu na vakayacora kina vei ira na vosa kecega ni veiyalayalati o qo, a ya kaʼu a vakarota rei ira me cakava; a ra sa sega ni cakava.

9A sa kaya vei au ko Jiova, Sa votu na nodra vere na kai Juta, kei na kai Jerusalemi:

10era sa lesu tani ki nai valavala ca ni nodra qase eliu, era sa bese ni vakarogoca na noqu vosa, a ra sa muria ga na kalou tani, me qaravi ira: era sa vakacacataka, ko ira na mataqali i Isireli kei na mataqali i Juta, na noqu veiyalayalati o koya kaʼu a cakava kei ira na nodra qase.

11O koya o qo sa vosa vakaoqo kina ko Jiova, Raica, au na vakayacora na ca vei ira, era na sega ni dro rawa tani maikina, ia era na tagi vei au, kaʼu na sega ga ni rogoci ira.

12Ena qai lako na veikoro i Juta kei na kai Jerusalemi, ka tagi vei ira na kalou era vakacaudreva kina na ka boi vinaka: ia era na sega sara ni vakabulai ira e na gauna ni nodra rarawa.

13Ni sa levu vata na nomu veikoro kei na nomu kalou, Juta; ka levu vata na sala ni koro mai Jerusalemi kei nai cabocabo-ni-soro dou sa vakaduria ki na ka veivakamaduataki ko ya, io nai cabocabo-ni-soro me vakacaudreva kina na ka boi vinaka vei Peali.

14Ia ko iko, mo kakua ni masulaki ira na tamata o qo, mo kakua talega ni ia e na vukudra na tagi se na masu: niʼu na sega ni rogoca e na siga era sa tagi kina vei au e na nodra rarawa.

15Sa nei koya kaʼu sa lomana na cava e na noqu vale, ni sa ia ko koya nai valavala ca levu, ia na yago savasava sa lako tani vei iko? ni ko sa caka ca, ko sa qai reki.

16Na olive bulabula, e matavinaka, ka vua vinaka, sa yacamu ka vakatoka ko Jiova: ni sa ia na domo ni ue levu, sa tutuvaka ko koya na buka e delana, a sa ramusu na tabana.

17Ia ko Jiova ni lewe vuqa, o koya ka tei iko, sa vosa me yacovi iko na ca, e na vuku ni nodra ca na mataqali i Isireli kei na mataqali i Juta, a ya era sa cakava vei ira me vakacudrui au, ni ra sa vakacaudreva na ka boi vinaka vei Peali.

18IA ko Jiova sa vakatakila na ka o qori vei au, ia kaʼu sa kila: o sa qai vakaraitaka mai vei au na nodrai valavala.

19Ia kaʼu a vaka na lami se na karavau sa kau mai me vakamatei; kaʼu a sega ni kila ni ra sa buki qau vere, ka vaka, Me da vakacataka na kau kei na vuana, ia me da muduki koya tani mai na vanua ni bula, me kakua ni nanumi tale na yacana.

20Ia ko iko, Jiova ni lewe vuqa, sa lewa vakadodonu, ka vakatovolea nai ivi kei na loma ni tamata, meʼu sa raica mada na nomu cudruvi ira: ni sa vei iko kaʼu sa tukuni au kina.

21O koya o qo sa vosa vakaoqo kina ko Jiova vei ira na kai Anacoci, era sa qarai iko me vakamatea, ka kaya, Mo kakua ni ia na parofisai e na yaca i Jiova, do ko mate e na liga i keimami;

22o koya sa vosa vakaoqo kina ko Jiova ni lewe vuqa, Raica, oi au kaʼu na cudruvi ira: a cauravou, era na mate e nai seleiwau; a luvedra tagane kei na luvedra alewa, era na mate e na viakana:

23ia na kedra vo, ena segai: niʼu na vakayacora na ca vei ira na kai Anacoci, na yabaki me ra cudruvi kina.