Meke 126 - AI VOLA TABU（FIJ1864）

Era vakavinavinaka nai vavakoso lewe ni soro e na vuku ni sa qai ia na Kalou me vakabulai ira mai na vanua ni meca; a ra sa masuti koya me tinia vakavinaka sara.A Meke ni cabecabe.

1NI sa lesu tale ko Jiova vei ira na Saioni era lesu mai, eda a vakai ira era sa tadra.

2Sa qai sinai na gusuda e na dredre, kei na yameda e na meke: era sa qai kaya e na veimatanitu, Sa cakava na ka levu ko Jiova e na vukudra.

3Sa cakava na ka levu ko Jiova e na vukuda; eda sa marau kina.

4Mo lesu tale mai, Jiova, vei keimami sa vakabobulataki, me vaka na uciwai mai na mata ni ceva.

50 ira sa tagi lako ni ra sa kaburaka na sila, era na meke ga ni ra sa tamusuka.

6O koya sa lako yani ka tagi voli, ni sa kauta na kato sila, ena lesu vakaidina tale mai, ka reki, ni sa kauta kaya mai na nona veivau sila.