Meke 125 - AI VOLA TABU（FIJ1864）

A nodra vinaka era vakararavi vua na Kalou, 1-3. Sa masu, 4, 5.A Meke ni cabecabe.

1O IRA era sa vakararavi vei Jiova era na vaka na ulu-ni-vanua ko Saioni o koya sa sega ni yavavala rawa, a sa tu ga me tawa mudu.

2Me vaka sa voliti Jerusalemi na veiulu-ni-vanua, sa voliti ira vakakina na nona tamata ko Jiova, mai na gauna o qo ka yacova na gauna kecega.

3Ni na sega ni tiko na nodrai titoko nai valavala ca e na nodra vanua na caka dodonu; de ra dodoka na ligadra ki na ca ko ira na caka dodonu.

4Mo caka vinaka, Jiova, vei ira era sa vinaka, kei ira sa dodonu na yalodra.

5Ia ko ira era sa lako tani ki na nodra sala tatakelokelo, ena cudruvi ira vata kei ira na daucaka cala ko Jiova: me yaco ga na vakacegu vei ira na Isireli!