Meke 120 - AI VOLA TABU（FIJ1864）

Sa masu Tevita ni sa lasutaki ka vakararawataki.A Meke ni cabecabe.

1E NA noqu rarawa kaʼu a tagi vei Jiova, a sa vakarorogo vei au.

2Mo vakabula na yaloqu, Jiova, mai na tebenigusu daulasu, mai na yame dauveivakaisini.

3A cava me soli vei iko? se cava me caka vei iko, na yame lasu?

4Na gasau gagata ni tamata qaqa, kei na qilaiso ni juniperi sa waqa tu.

5Ule niʼu sa tiko vulagi kei ira na Meseki, niʼu sa tiko torova na veivale i Kitari!

6Sa dede ni sa tiko vata na yaloqu kei koya sa cata na sautu.

7Oi au, kaʼu sa sautu: ia ko ira, niʼu sa vosa, era sa ia nai valu.