Meke 116 - AI VOLA TABU（FIJ1864）

Sa tukuni na nona loloma kei na nona talairawarawa vua na Turaga ni sa vakabulai, 1-11; ka sa nanuma na vakavinavinaka, 12-19.

1AU sa lomani Jiova, e na vuku ni sa rogoca na domo ni noqu masu.

2E na vuku ni sa vakalakala daligana vei au, o koya kaʼu na masu tiko vua ni kaʼu sa bula.

3Sa viviraki au nai vau ni mate, a sa kidaci au na rarawa ni bulubulu: au a kunea na rarawa kei na ocaoca.

4Au a qai masuta na yaca i Jiova; I Jiova, au masuti iko, mo vakabula na yaloqu.

5Sa daulomasoli ko Jiova, ka yalododonu; io, na noda Kalou sa yalololoma.

6Sa maroroi ira era tawa vuku ko Jiova: au a vakamalumalumutaki, a sa vakabulai au ko koya.

7Mo lesu tale ki na nomui vakavakacegu, na yaloqu: ni sa caka vinaka vei iko ko Jiova.

8Ni ko sa vakabula na yaloqu mai na mate, kei na mataqu mai na wai ni mata, kei na yavaqu meʼu kakua ni bale.

9Au na lako voli e na mata i Jiova e na vanua ni bula.

10Au a vakabauta, o koya kaʼu a vosa kina: au a rarawa vakalevu:

11au a kaya niʼu a taqaya, Era daulasu na tamata kecega.

12A cava meʼu talatala kina vei Jiova e na vuku ni nona cakacaka loloma kecega vei au?

13Au na taura na bilo ni bula, ka masuta na yaca i Jiova.

14Au na cakava mada na ka kaʼu a vavakini kina vei Jiova—e na matadra na nona tamata kecega.

15A ka talei e na mata i Jiova na nodra mate na nona tamata yalododonu.

161 Jiova, e dina niʼu sa nomu tamata; au sa nomu tamata, kei na luvena na nomu vada: o sa sereka na noqui vesu.

17Au na cabora vei iko nai madrali ni vakavinavinaka, ka masuta na yaca i Jiova.

18Au na cakava mada na ka kaʼu a vavakini kina vei Jiova—e na matadra na nona tamata kecega,

19e na lomanibai ni vale i Jiova, e na nomu loma ni koro, Jerusalemi. Dou ia vei Jiova na vakavinavinaka.