Meke 52 - AI VOLA TABU（FIJ1864）

Sa dokai koya ko Toeki e na nona qaqa, 1-4; ia sa na cudruvi koya na Kalou, 5-7. Sa vakararavi ki na Kalou ko Tevita, a sa vinaka kina, 8, 9.Vua na Domo-ni-meke; a Masikili. A Meke i Tevita, ni sa lako mai ko Toeki na kai Itomi ka sa tukuna vei Saula, a sa kaya vua, Sa lako mai ko Tevita ki na vale i Eiimeleki.

1A CAVA ko sa vakalevulevui iko kina e na ca, o iko na tamata qaqa? a yalololoma ni Kalou sa tawa mudu rawa.

2Sa nanuma tiko na ca na yamemu; sa vaka nai toroi gata, sa caka veivakaisini.

3O sa vinakata na ca, ka cata na ka vinaka; o sa vinakata ni ko vosa lasu, ka cata ni ko vosa dodonu. Sela.

4Na gusu dauveivakaisini, ko sa vinakata na vosa kata kecega.

5Ia na Kalou, ena vakarusai iko mo tawa bula tale, ena kauti iko tani, ka cavuti iko tani mai na nomui tikotiko; ka cavuti iko tani mai na vanua ni bula. Sela.

6Ara na raica na yalododonu, ka rere, a ra na dredrevaki koya: ka kaya,

7Raica, o qo na tamata sa sega ni vakararavi vua na Kalou me nona kaukauwa; a sa vakararavi ga e na kena levu ni nonai yau, ka vakaukauwataki koya e nonai valavala ca.

8Ia koi au, kaʼu sa vaka na olive bulabula e na vale ni Kalou: au sa vakararavi tikoga e na loloma ni Kalou ka tawa mudu.

9Ena tawa oti na noqu vakavinavinaka vei iko, e na vuku ni ko a cakava: kaʼu na qarava tiko na yacamu; ni sa vinaka o qo e matadra na nomu tamata yalosavasava.