1DOU rekitaki Jiova, koi kemudou sa yalodina; ni sa kilikili kei ira na yalododonu na vakavinavinaka.
2Vakamolimoli vei Jiova e na api; meke vua e nai qiriqiri e tini na kena wa.
3Meketaka vua na meke vou; qiria vakavinaka nai qiriqiri.
4Ni sa dodonu na vosa i Jiova; a sa dinadina kecega na nona cakacaka.
5Sa vinakata ko koya nai valavala dodonu kei na lewa dodonu; sa sinai ko vuravura e na loloma i Jiova.
6Sa cakavi na lomalagi e na vosa i Jiova; kei na lewena kecega e na cegu ni gusuna.
7Sa vakasoqona vata ko koya na wai ni wasa liwa mei binibini; sa binia na wai titobu e na lololo.
8Me rerevaki Jiova ko vuravura kecega; me vakarokorokotaki koya ko ira kece sa tiko e vuravura.
9Ni sa kaya ko Koya, —ka sa yaco; sa vosa ko Koya,— ka sa tu mai.
10Sa vakayacora ko Jiova na nodra bose na veimatanitu me ka wale; sa cakava na nodra vakanananu na tamata me tawa yaga.
11Ena tu ga ka tawa mudu na bose i Jiova, na nanuma ni yalona ki na veitabatamata kecega.
12Sa kalougata na matanitu sa nodra Kalou ko Jiova; kei na mataqali sa digitaka ko koya me nonai votavota.
13Sa rai sobu mai lomalagi ko Jiova; sa raici ira kecega na luve ni tamata.
14Mai na tikina sa tiko kina ko koya sa wanonovi ira kecega era sa tiko e vuravura.
15Sa cakava kece vata ga na yalodra ko koya; a sa vakananuma kecega na nodrai valavala.
16Sa sega e dua na tui sa bula e na vuku ni mataivalu levu; sa sega na qaqa me vakabulai e na nona kaukauwa levu.
17A ka lasu na ose mei Vakabula; sa na sega ni vakabula e dua e na nona kaukauwa levu.
18Raica, a mata i Jiova sa wanonovi ira era sa rerevaki koya, ko ira era sa vakararavi e na nona loloma;
19me Vakabula na yalodra mai na mate, me maroroya na nodra bula e na dausiga.
20Sa waraki Jiova na yaloda; a nodai vukevuke kei na nodai sasabai ko koya.
21Ni na rekitaki koya na yaloda, ni da a vakararavi e na yacana tabu.
22I Jiova, me tu ga vei keimami na nomu loloma, me vaka ni keimami sa dinati iko.
Who We AreWhat We EelieveWhat We Do
2025 by iamachristian.org,Inc All rights reserved.
