Meke 24 - AI VOLA TABU（FIJ1864）

Sa tukuna na ka sa nei Jiova, kei na tamata sa yaga vua, kei na nona curu ki lomalagi.A Meke i Tevita.

1A NEI Jiova ko vuravura, kei na ka kecega sa sinai kina; a veivanua kei ira era sa tiko kina.

2Ni sa tauyavutaka ko koya e na wasa levu, a sa vakataudeitaka e na wai drodro.

3O cei ena cabe cake ki na ulu-ni-vanua i Jiova? se ko cei ena tu e na nona tikina tabu?

4O koya sa liga savasava ka yalosavasava; o koya sa sega ni laveta cake na yalona ki na ka walega, se vosa vavakini vakailasu.

5Ena rawata ko koya na veivakalougatataki maivei Jiova, kei na veivakadonui mai na Kalou na nonai Vakabula.

6O qori nai tabatamata sa vakasaqarai koya, era sa vakasaqara na matamu ko ira na Jekope. Sela.

7Dou laveta cake na ulumudou, koi kemudou na matamata-ni-koro; ia dou laveti cake, koi kemudou na kenai sogo sa tawa oti rawa; me curu kina na Tui vakaiukuuku.

8O cei o qo na Tui vakaiukuuku? O Jiova sa kaukauwa ka qaqa, o Jiova sa kaukauwa e nai valu.

9Dou laveta cake na ulumudou, koi kemudou na matamata-ni-koro; ia dou laveti cake, koi kemudou na kenai sogo sa tawa oti rawa: me curu kina na Tui vakaiukuuku.

10O cei o qo na Tui vakaiukuuku? O Jiova ni lewe vuqa, o koya ga na Tui vakaiukuuku. Sela.