Meke 13 - AI VOLA TABU（FIJ1864）

A masu e na rarawa.Vua na Domo-ni-meke. A Meke i Tevita.

1E VAKAEVEI na kena dede na nomu guilecavi au, Jiova? me tawa mudu beka? ena vakaevei na kena dede na nomu vunia na matamu vei au?

2E vakaevei na kena dede meʼu bose tiko e na vu ni yaloqu, ni sa rarawa tiko na lomaqu e na veisiga? e vakaevei na kena dede me rawai au na noqu meca?

3Nanuma, Jiova na noqu Kalou, mo rogoci au: vakararamataka na mataqu, deʼu moce ka mani mate sara;

4de kaya na noqu meca, Au sa rawai koya sara: de reki ko ira sa vakararawataki au niʼu sa yavala.

5Ia koi au, kaʼu sa vakararavi ga e na nomu loloma; ena marau na yaloqu ni ko sa ia na veivakabulai.

6Au na meke vei Jiova, ni sa caka vinaka kivei au ko koya.