Ai Vola Kei Jope 41 - AI VOLA TABU（FIJ1864）

Sa tukuna na livaiacani na Kalou.

1O SA yavia rawa beka mai na livaiacani e na siwa? se na yamena e na dali ko sa vakatukuca sobu?

2O na coka beka na ucuna e na gasau? se cula basika na gale-galena e na voto ni kau?

3Ena masuti iko vakalevu beka? ena vosa vakamalumalumu vei iko?

4Ena ia beka na veiyalayalati kei iko? o na kauti koya me nomu tamata ka tawa mudu, ne?

5Drau na qito beka kaya me vaka kei na manumanu? se ko na vauca me nodra na nomu vada?

6O ira na veitokani, era na cakava beka me kedra ka ni solevu? era na vota beka vei ira na dauveivoli?

7O na vakaosoosoya beka na kulina e na saisai? se na uluna e na moto ni ika?

8Mo tabaka e ligamu, nanuma na veivaluti, kakua ni kitaka tale.

9Raica, sa tawa yaga na nanuma me rawai koya: ena domobula e sa raica walega, se segai?

10Sa sega na lomaqa me via vakacudruya: ia ko cei na yatedei me qai tu rawa e mataqu?

11O cei sa taumadataki au, meʼu sauma tale vua? a ka kece sa tu e ruku ni lomalagi sa noqu ga.

12Au na sega ni vunia na tikina, se nona kaukauwa, se nona vatukai vinaka.

13O cei me vakatakila na mata ni nonai sulu? se ko cei me toro vua me taqaruataka na nonai tarovi?

14O cei me dolava nai sogo ni matana? sa rerevaki tu na batina e sa tu volita.

15Sa dokai kova e na vuku ni varina, sa sogodregati matua vata sara;

16sa vakata vata e dua na tikina ki na dua na tikina, me dredre kina ni curuma na cagi;

17sa sema vata e dua na tikina ki na kenai sa, sa veikabi ga, me dredre kina ni tawase.

18Ni sa suru ko koya, sa cila mai na rarama; ia na matana sa vaka ni sa kida na mataka:

19sa lako mai na gusuna na cina caucaudre, sa rika maikina na lidi ni buka:

20sa lako tani e na ucuna na kubou, me vaka mai na kuro sa kere, se na lovo:

21a nona cegu sa vakawaqaca na qilaiso ni buka, a sa lako mai na gusuna na yameyame-ni-buka.

22Sa tiko na kaukauwa e na domona, a sa vuki na rarawa me reki e matana.

23A ua ni lewena sa veikabi: sa kaukauwa tu; sa sega ni yavala rawa.

24Sa kaukauwa na lomana me vaka na vatu: io, sa qaqa me vaka na tiki ni vatu i qaqi sa no e ra.

25Ni sa tu cake ko koya, era sa rere na qaqa: ni sa rika, sa yali na yalodra.

26Ai seleiwau i koya sa yavita sa sega ni lau: so na moto, se nai ula, se na saisai.

27Sa nanuma na aironi ko koya me co malai, kei na parasa me kau vuca.

28Ena sega ni dro e na vuku ni gasau: a vatu sa rabotaki sa vukica me vu-ni-sila.

29Ai wau sa nanuma me vu-ni-sila: sa dredre vaka na rorogo ni moto.

30Sa tu e rukuna na caca ni kuro gagata: sa koto e na ka gagata e na oruoru.

31Sa vakerea na wai titobu me vaka na kuro: sa vakerea na waitui me tautauvata kei na kuro wali.

32A we ni nonai lakolako sa caucaudre: eda vakasama na wai titobu me sika mai.

33Sa sega e vuravura me tautauvata kaya, e sa cakavi me tawa rere rawa.

34Sa rai sobu ki na ka cecere kecega: sa turaga ko koya vei ira kecega na gone dauviavialevu.