1AU sa ia oti na veiyalayalati kei na mataqu; meʼu qai via nanuma vakacava e dua na gonealewa?
2Me qai cava na noqui votavota mai vua na Kalou maicake? ka cava na ka kaʼu na taukena maivei Koya na Kaukauwa mai lomalagi?
3Sa sega beka ni yacovi ira nai valavala ca na rusa? kei na ka tani vei ira na tawa caka dodonu?
4Sa sega beka ni raica na noqui lakolako ko koya, ka wilika kecega nai cavucavu ni yavaqu?
5Kevaka kaʼu a muria na ka lasu, se kusarawa na yavaqu me vei vakaisini;
6meʼu vakatovolei mada e nai vakatatovotovo dodonu, me kila kina na Kalou na noqu tawa cala.
7Kevaka sa lako tani e na sala na yavaqu, ka muria na mataqu na lomaqu, ka kabita na ligaqu e dua na ka qeleqelea;
8meʼu qai teitei koi au, ka dua tani me kania: ia me cavuivuvu na noqu kawa.
9Kevaka sa kauti vakatani na lomaqu vua e dua na alewa; seʼu lawa koto mai na nona katuba na kai noqu;
10me qai qaqi sila na watiqu vua e dua tani, me so tani talega me koto kaya.
11Ni sa ka ca sara o qo, io, nai valavala ca me ra cudruva ko ira na dauveilewai.
12Ni sa buka o qori sa katia me yacova na rusa, sa na cavuivuvu kina na noqui yau kecega.
13Kevaka kaʼu a beca na ka ni noqu tamata se na noqu vada, ni rau sa veileti kei au;
14kaʼu na qai vakaevei ni sa tu cake na Kalou? ia ni sa cudru ko koya, a cava meʼu kaya vua?
15O koya sa buli au e na kete, sa sega beka ni buli koya talega? sa sega beka ni dua bau sa cakavi keirau e na kete?
16Kevaka kaʼu sa bese ni solia na ka era domona na dravudravua, seʼu vakaoca na matana na alewa dawai;
17seʼu kania duadua na kequ tiki ni kakana, me keirau sega ni kania kaya na luveniyali;
18(Ni sa tubu vata kei au mai na gauna kaʼu a cauravou kina, me vaka kei tamana, ia kaʼu sa tuberi koya na alewa dawai mai na siga ni noqu sucu;)
19kevaka kaʼu sa kunea e dua sa mate e na vuku ni sa sega na nonai sulu, so dua na dravudravua sa sega na ka me ubi kina:
20kevaka sa sega ni vosavakalougatataki au na tolona; ka sega ni katakata ko koya e na vutika ni noqu sipi;
21kevaka kaʼu sa dodoka cake vakaca na ligaqu vei ira na luveniyali, niʼu sa kila ni keitou sa kaukauwa mai na matamata-ni-koro:
22me qai lutu tani na ligaqu mai na civaciva ni tabaqu, ka ramusu na ligaqu mai na suina.
23Niʼu a domobula de vakarusai au na Kalou; ia e na vuku ni kena cecere, kaʼu a sega ni rawata.
24Kevaka kaʼu a vakararavi ki na koula, se kaya ki na koula talei, Kaʼu sa vakadinati iko;
25kevaka kaʼu a reki e na vuku niʼu sa vutuniyau sara, ni sa rawata nai yau levu na ligaqu;
26kevaka kaʼu a raica na mata-ni-siga ni sa cila mai, se na vula ni sa weweli lako;
27ka sa dauveretaki lo na lomaqu, se reguca na ligaqu na gusuqu:
28o qo talega nai valavala ca me ra cudruva ko ira na dauveilewai: niʼu a qai cakitaki koya na Kalou maicake.
29Kevaka kaʼu a reki ni sa rusa ko koya sa cati au, se vakalevulevui au ni sa kune ka ca ko koya:
30ia kaʼu a sega ni laiva na gusuqu mo vosa cala, niʼu a rukaka na yalona.
31Kevaka era sa sega ni kaya ko ira na noqui tikotiko, O cei e so me tawa vakamamautaki e na nona kakana?
32Sa sega ni moce mai tautuba na vulagi: au a dolava na noqu katuba vua sa taubale e vanua.
33Kevaka kaʼu sa ubia na noqu talaidredre me vakataki Atama, niʼu sa vunia na noqui valavala ca e lomaserequ:
34seʼu rerevaki ira beka na lewe vuqa, seʼu vakadomobulataki e na nodra be na veimataqali, meʼu tiko lo kina, ka sega ni curu yani e na katuba?
35Me dua mada me rogoci au! raica, o qo na ka kaʼu domona, me vosa mada mai vei au ko Koya sa Kaukauwa, me sa vola talega nai vola na noqu meca.
36E dina kaʼu na qai colata e na noqui colacola, ka vauca vei au me noqui sala vakaturaga.
37Kaʼu na qai tukuna vua nai wiliwili ni cavucavu ni yavaqu; kaʼu na qai toro voleka vua me vaka na turaga.
38Kevaka sa qoqolou vei au na noqu were; se tagi vata kei na kena bukebuke;
39kevaka kaʼu sa kania na vuana ni sa sega ni volitaki, se kitaki ira na kenai taukei me ra mate;
40mo qai tubu na kau votovotoa mei sosomi ni witi, kei na borosou mei sosomi ni parile. Sa oti na vosa i Jope.
Who We AreWhat We EelieveWhat We Do
2025 by iamachristian.org,Inc All rights reserved.
