1E NA siga ko ya era sa wilika na vunau i Mosese, a ra sa rogoca tiko ko ira na tamata; a sa kune ni sa volai kina, me ra kakua ni curu ki nai soqosoqo ni Kalou ka tawa mudu ko ira na Amoni kei ira na Moapi;
2e na vuku ni ra sa sega ni laʼki tavaki ira na luve i Isireli ka kauta na madrai kei na wai, a ra sa voli Palami me nodra meca, me rukaki ira ko koya: ia ka sa vukica na ruru ko na noda Kalou me vosa ni veivakalougataki.
3Ia ni ra sa rogoca oti na vunau, era sa wasei ira tani vei ira na Isireli na kai tani kecega era waki vata.
4A sa veiwekani eliu kei Topiya ko Iliyasipi na bete, o koya ka lewa na tiki-ni-vale ecake ni vale ni noda Kalou:
5a sa cokonaka vua e dua na tiki-ni-vale levu ecake, era a daubinia kina eliu nai madrali laukana, kei na kau boi vinaka, kei nai yaya, kei nai katini ni sila, kei na waini vou, kei na waiwai, a ya sa vunautaki me nodra na Levi, kei ira na dau-ni-meke, kei ira nai vakatawa ni katuba; kei na ka e cabori me nodra na bete.
6Ia e na veisiga o qo, kaʼu a sega ni tiko mai Jerusalemi: niʼu a lesu vua na tui e nai katolusagavulu ka rua ni yabaki ni tui ko Aritasasita na tui Papiloni, ia ni sa oti na siga e so, sa qai laivi au ko na tui;
7kaʼu a qai lako mai ki Jerusalemi, ka sa qai kila na ca sa cakava ko Iliyasipi e na vuku i Topiya, ni sa vakarautaka vua e dua na tiki-ni-vale ecake e loma ni bai ni vale ni Kalou.
8Ia kaʼu a rarawa vakalevu kina: ia kaʼu a biuta kitautuba nai yaya kecega ni vale i Topiya mai na tiki-ni-vale ecake.
9Au a qai vakarota, ka ra sa vakasavasavataka na veitiki-ni-vale ecake: au a qai kauta tale kina nai yaya ni vale ni Kalou, kei nai madrali laukana kei na kau boi vinaka.
10Au a qai kila ni sa sega ni soli na nodrai votavota na Levi ni ra sa dui dro ki na nona were ko ira na Levi kei ira na dau-ni-meke.
11Au a qai veileti kei ira na turaga, ka kaya, A cava sa biu kina na vale ni Kalou? Ia kaʼu a vakasoqoni ira vata, ka vakatikori ira e na nodra yasana.
12Era sa qai kauta mai ko ira kecega na Juta nai katini ni sila, kei na waini vou, kei na waiwai, ki na vale ni yau.
13Ia kaʼu a lesia e so na tamata me lewa na veivale ni yau, ko Selemiya na bete, kei Satoki na vu-ni-vola, ka maivei ira na Levi, j ko Pitaya: a sa taravi ira ko Anani na luve i Sakuri, na luve i Mataniya: ni ra sa daunanumi me tamata dodonu, a sa nodrai tavi me votavota vei ira na wekadra.
14Nanumi au, noqu Kalou, e na vuku ni ka o qo, ka kakua ni qusia yani na noqu cakacaka vinaka kaʼu sa cakava ki na vale ni noqu Kalou, kei na kena cakacaka.
15E na gauna o qori au a kunea c Juta c so era butuka nai keli waini e na siga ni vakacecegu, ka ra kauta mai nai vau sila, ka kitaka nai kaukau ni asa; na waini talega, kei na vua ni vaini, kei na lolo, kei nai kaukau kecega, a ya era sa kauta ki Jerusalemi e na siga ni vakacecegu: ia kaʼu a vakatakila e na siga era volitaka kina na kakana.
16Sa tiko talega kina e so na kai Teiri, era sa kauta mai na ika, kei na yau kece, ka volitaka e na siga ni vakacecegu vei ira na luve i Juta, e Jerusalemi talega.
17Au a qai veileti kei ira na turaga ni Juta, ka kaya vei ira, A ca cava o qo dou sa kitaka, ka vakacacataka na siga ni vakacecegu?
18era a sega beka ni cakacaka vakaoqo ko ira na nomudou qase, ka sega li ni vakayacora ko na noda Kalou na ka ca kece o qo vei keda, kei na koro o qo? ia dou sa kuria ga na cudru vei ira na Isireli ni dou sa vakacacataka na siga ni vakacecegu.
19Ia ni sa qai butobuto mai na veimatamata-ni-koro ni Jerusalemi, e na siga vakarau, au a vakarota me sogo na veimatamata-ni-koro, ka kaya me kakua ni dolavi ka me oti mada na siga ni vakacecegu: o ka so vei ira na noqu tamata kaʼu a lesia ki na veimatamata-ni-koro, me kakua ni kauti mai e dua nai kaukau e na siga ni vakacegu.
20A ra sa moce vakadua se vakarua e nai bili mai Jerusalemi ko ira na dauveivoli, kei ira era volitaka na ka kecega.
21Au a qai vunauci ira, ka kaya vei ira, Dou sa moce voleka ki na bai e na cava? kevaka dou sa kitaka tale, au na tauri kemudou. Mai na gauna ko ya, era sa sega ni lako tale mai kina e na siga ni vakacecegu.
22Ia kaʼu a vakaroti ira na Levi me ra vakasavasavataki ira, ka me ra lako mai ka vakatawa na veimatamata-ni-koro, me vakatabuya na siga ni vakacecegu.
Nanumi au, noqu Kalou, e na vuku ni ka o qo talega, ka vosoti au me vaka na kena levu ni nomu loloma.
23E na gauna talega o qori kaʼu a kunea e so na Jiu era veiwatini kei ira na nodra alewa na Esitoti, kei ira na Amoni, kei ira na Moapi:
24a sa vosa ko ira na luvedra e so e na vosa vaka-Esitoti, ka sega ni vosa rawa e na nodra vosa na Jiu, a ra sa vosataka vakatikitiki ruarua.
25Keitou a qai veileti kei ira, ka kaya me ra ca, ka yaviti ira e so, ka vutia na dra ni uludra, ka kitaki ira me ra vosavavakini vua na Kalou, kaʼu kaya, Dou kakua ni solia na nomudou gonealewa ki na nodra goneatagane, se kauta na nodra gonealewa ki na nomudou goneatagane, se kivei kemudou.
26E sega li ni valavala ca ko Solomoni na tui Isireli e na veika o qo, ia ka sa sega na tui e na veimatanitu e vuqa me tautauvata kaya, ni sa lomani koya na Kalou, ka lesi koya ko na Kalou me nodra tui na Isireli kecekece: ia ka sa vakacalai koya ko ira na alewa na kai tani?
27Keitou na qai vakarorogo li vei kemudou me kitaka na ka ca vakalevu o qo, ka me talaidredre vua na noda Kalou me veiwatini kei na alewa era kai tani?
28A sa dua na luve i Yoyata, na luve i Iliyasipi na bete levu, sa vugo i Sanipalati na kai Oroneimi: o koya kaʼu a vakasevi koya tani kina vei au.
29Nanumi ira, noqu Kalou, ni ra sa vakadukadukalitaka na cakacaka vakabete, kei na vosa ni yalayala ni cakacaka vakabete, kei na nodra na Levi.
30Ia kaʼu a vakasavasavataki ira maivei ira na kai tani kecega, ka lesia na nodrai tavi na bete kei na nodra na Levi, o ira yadua e nonai tavi,
31e nai madrali buka talega e na kena gauna, kei nai sevu.
Nanumi au, noqu Kalou, meʼu vinaka kina.
Who We AreWhat We EelieveWhat We Do
2025 by iamachristian.org,Inc All rights reserved.
