Ai Vola I Niemiya 6 - AI VOLA TABU（FIJ1864）

Sa vere ko ira na nodra meca na Jiu, me tarova na cakacaka; a sa sega ni rere ko Niemiya, ka sa viri vakaoti na bai.

1IA ni sa rogoca ko Sanipalati, kei Topiya, kei Kesemi na kai Arapia, kei ira kecega na neimami meca, ni kaʼu sa tara oti na bai, a sa sega na kabasu sa vo: (ia o na gauna ko ya kaʼu sa sega ni vakaduria oti na veisogo ni veimatamata-ni-koro:)

2erau sa qai talaki mai vei au ko Sanipalati kei Kesemi, ka kaya, Tou laʼki soqoni vata e na dua na koro lailai mai na buca ko Ono. Ia ka rau a nakita me kitaki au vakaca.

3Au a qai tala e so nai talatala vei rau, ka kaya, Au sa kitaka tiko e dua na cakacaka levu, au sa dredre kina ni lako sobu: me mudu meicavai na cakacaka niʼu sa biuta, ka lako sobu vei kemudrau?

4Ia ka rau a talaki vakava vei au vakaoqo; ia kaʼu a vosa tiko vakakina vei rau.

5Sa baki tala tale me vakalima na nonai talatala vei au ko Sanipalati, a sa kauta mai e ligana nai vola e cecega;

6a sa volai kina vaka, Sa rogovaki voli yani vei ira na veimatanitu kisau, a sa kaya ko Kasimu, ni kemudou sa nanuma kei ira na Jiu me vuki: e na vuku ni ka o qo ko sa viri bai, mo nodra tui, me vaka na vosa o qo.

7Ko sa lesi ira talega na parofita me vunautaki iko mai Jerusalemi, ka kaya, Sa vakatui ko Juta: ia ena tukuni vua na tui me vaka na vosa o qo.

8Tou ia mada, tou bose vata. Au a qai talaki vua, ka kaya, Sa sega ni kitaki na ka e vaka na nomu vosa, ia ko sa vakasama walega e lomamu.

9Ni ra sa vakarerei keimami ko ira kece, ni ra kaya, Ena vakamalumalumutaki na ligadra e na cakacaka, me kakua ni kitaki. Ia o qo, noqu Kalou, mo vakaukauwataka na ligaqu.

10A sa oti, au a qai lako ki na vale i Simaya na luve i Tilaya na luve i Mietapeli, o koya sa sogoti eloma; a sa kaya ko koya, Tou soqoni vata e na vale ni Kalou, e loma ni vale ni soro, ia me da sogota na veisogo ni vale ni soro: ni ra na lako mai e na bogi me vakamatei iko.

11Au a qai kaya, Me dro li na tamata e vakataki au? ia ko cei beka, ni sa vakai au tiko, me via curu ki na vale ni soro me vakabulai koya? Au na sega ni curu kina.

12Ka raica, kaʼu a kunea ni sa sega ni talai koya na Kalou; a sa parofisai taki au vakaca vakai koya ga; ni sa voli koya ko Topiya kei Sanipalati.

13Sa voli ko koya, meʼu rere kina, ka cakacaka vakakina, ka caka cala, ka me dua na ka me ra vakarogocataki au kina, me ra beitaki au.

14Noqu Kalou, mo nanumi Topiya kei Sanipalati, me vaka na nodraui valavala o qo, kei koya na parofita alewa ko Noatiya, kei ira kece na parofita, era a via vakarerei au.

15A sa oti na bai e na bogi e limasagavulu ka rua, e nai karuasagavulu ka lima ni siga ni vula ko Iluli.

16Ia ni ra sa rogoca ko ira kecega na neimami meca, a ra sa raica ko ira kecega na veimatanitu kisau era sa tiko voleka vei keimami, era sa luma-luma vakai ira: ni ra sa raica ni sa kitaki rawa na cakacaka o qo e na vuku ni neimami Kalou.

17Ia e na gauna ko ya era sa vakauta nai vola e vuqa ko ira na turaga ni Juta kivei Topiya, a sa yaco vei ira maivei Topiya.

18Ni ra sa lewe vuqa e Juta era sa vosavavakini me totaki koya, ni sa vugo i Sikaniya na luve i Ara; ia na luvena ko Joanani sa vakawati kei na luve i Misulami na luve i Perekiya.

19Era sa dautukuna talega na nona cakacaka vinaka e mataqu, ka tukuna vua na noqu vosa. A sa dauvakania nai vola ko Topiya me vakarerei au.