I. A Veika Sa Caka E Na Veigauna 24 - AI VOLA TABU（FIJ1864）

A nodratou wasewase na luve i Eroni, 1-19. A vo ni luvedra na Levi, 20-31.

1IA na nodratou wasewase na luve i Eroni. O iratou na luve i Eroni: o Natapi, kei Epiu, ko Eliasari, kei Icamari.

2Ia ka sa mate ko Natapi kei Epiu ni sa bula ko tamadrau, ka sega na luvedrau: a sa ia na cakacaka vakabete ko Eliasari kei Icamari.

3Ia ko Tavita sa tawasei rau ko Satoki vei ira na luve i Eliasari, kei Eiimeleki vei ira na luve i Icamari, me vaka na nodraui tavi e na nodra cakacaka.

4A sa vuqa cake na tamata sa liu sa kune vei ira na luve i Eliasari ka lailai vei ira na luve i Icamari; a ra sa wasewase. Sa lewe tinikaono na tamata sa liu vei ira na luve i Eliasari, e na veimataqali ni nodra qase, ka sa lewe walu vei ira na luve i Icamari, me vaka na mataqali ni nodra qase.

5A ra sa tawase vakaoqo e nai vola ni veidigidigi, e dua nai taba ka dua nai taba; ni sa lesi mai vei ira na luve i Eliasari, kei ira na luve i Icamari, ko ira sa turaga e na vale tabu, kei ira sa turaga e na veika ni Kalou.

6Ia ko Simaya na luve i Nicaneli, na vu-ni-vola, e dua vei ira na Levi, sa volai ira e na mata ni tui, ka e matadra na turaga, kei Satoki na bete, kei Eiimeleki na luve i Epiyacari, kei ira na nodra qase turaga na bete kei ira na Levi: sa dua na mataqali sa wili vei Eliasari, ka dua sa wili vei Icamari.

7A sa lako cake mai eliu nai vola ni veidigidigi sa kei Yioyaripi, ai karua sa kei Yitaya,

8ai katolu sa kei Avimi, ai kava sa kei Siorimi,

9ai kalima sa kei Malikiya, ai kaono sa kei Miyamini,

10ai kavitu sa kei Akosi, ai kawalu sa kei Epiya,

11ai kaciwa sa kei Josua, ai katini sa kei Sikaniya,

12ai katinikadua sa kei Iliyasipi, ai katinikarua sa kei Yakimi,

13ai katinikatolu sa kei Upa, ai katinikava sa kei Yisepapi,

14ai katinikalima sa kei Pilika, ai katinikaono sa kei Imeri,

15ai katinikavitu sa kei Esiri, ai katinikawalu sa kei Fisesi,

16ai katinikaciwa sa kei Picaya, ai karuasagavulu sa kei Yesikeli,

17ai karuasagavulu ka dua sa kei Yakini, ai karuasagavulu ka rua sa kei Kamuli,

18ai karuasagavulu ka tolu sa kei Tilaya, ai karuasagavulu ka va sa kei Measiya.

19Sa vakaoqori na kedra veimurimuri e na nodra cakacaka ni ra sa lako mai ki na vale i Jiova, me vakana nodrai valavala, ni sa lewa ko Eroni na tamadra, ka vaka sa vakarota vei koya ko Jiova na nodra Kalou na Isireli.

20Ia na kedra vo na luve i Levi: vei iratou na luve i Amirami: o Supaeli: vei iratou na luve i Supaeli: o Yetiya.

21O Riapiya: vei iratou na luve i Riapiya: ai matai ko Isiya.

22Vei iratou na luve i Isari: o Silomoci; vei iratou na luve i Silomoci: o Yeaci.

23Ia vei iratou na luve i Epironi: o Yiriya, ai karua ko Emariya, ai katolu ko Yeesieli, ai kava ko Yikamiami.

24Na luve i Usieli: o Mika; vei iratou na luve i Mika: o Samiri.

25A taci i Mika ko Isiya; vei iratou na luve i Isiva: o Sikariya.

26Oi rau na luve i Mirari, o Mali, kei Musi; na luve i Yeesiya: o Pino.

27O iratou na luve i Mirari maivei Yeesiya: o Pino, kei Soami, kei Sakuri, kei Ipiri.

28Maivei Mali: o Eliasari, o koya sa sega na luvena tagane.

29O Kisi: sa luve i Kisi ko Yiramieli.

30O iratou talega na luve i Musi: o Mali, kei Iteri, kei Yirimoci. O ira o qo na luvedra na Levi, me vaka na mataqali ni nodra qase.

31A sa ia na veidigidigi ko ira o qo ka vakai ira na wekadra, na luve i Eroni, e na mata i Tavita na tui, kei Satoki, kei Eiimeleki, kei ira na nodra qase turaga na bete, kei ira na Levi, io ko ira na qase sa liu, ka vakai ira na wekadra cauravou.