I. A Veika Sa Caka E Na Veigauna 4 - AI VOLA TABU（FIJ1864）

O ira talega e so ka tubu vei Juta, 1-23. O ira ka tubu rei Simioni, 24-43.

1O IRATOU na luve i Juta: o Feresi, ko Esironi, kei Karimi, kei Uri, kei Sopali.

2A sa sucu ko Yeaci vei Riaya na luve i Sopali; a sa sucu vei Yeaci ko Eumai, kei Leati. O qo na nodra mataqali na kai Sora.

3A sa tubu mai vua na tama i Etama ko ira o qo; o Isirieli, kei Isima, kei Itipasi; ia na yaca i ganedratou ko Esileliponi;

4kei Penueli na tama i Kitori, kei Eseri na tama i Usa. O iratou o qo na luve i Uri, na ulumatua i Efiraca, na tama i Pecileema.

5A sa rua na wati i Asuri na tama i Tikoa: o Ela kei Neera.

6A sa vakasucumi Eusami vua ko Neera, kei Eferi, kei Temini, kei Easitari. O iratou o qo na luve i Neera.

7Ia ko iratou na luve i Ela: o Sereci, kei Soari, kei Ecinani.

8A sa sucu vei Kosi ko Anupi, kei Sopepa, kei na veimataqali i Eareli na luve i Animi.

9A sa yalovakaturaga cake vei iratou na tacina ko Yapesi: a sa vakayacani koya ko Yapesi ko tinana, ni sa kaya, Au a vakasucuma e na rarawa.

10A sa masuta na nodra Kalou na Isireli ko Yapesi, a sa kaya, Mo vakalougatataki au vakaidina, ka vakalevutaka na noqu yasana, ia me tiko kei au na ligamu, ia mo tarova na ca, me kakua ni vakararawataki au! A sa vakayacora ko na Kalou na ka sa masuta ko koya.

11Ia ko Kilupi na taci i Sua sa vakasikavi Miri, o koya na tama i Esitoni.

12A sa sucu vei Esitoni ko Peci-rafa, kei Pasea, kei Tiina na tama i Iri-naasi. O iratou o qo na tamata i Beka.

13Ia na luve i Kinasi: o Ocinieli, kei Siraya; ia na luve i Ocinieli: o Ecaci.

14A sa sucu vei Mionocei ko Ofira; a sa sucu vei Siraya ko Yoapi, a tamadra na lewe ni nodra buca na matai; ni ra sa matai.

15Ia ko iratou na luve i Kalepi na luve i Yifune: o liu, ko Ela, kei Naami; ia na luve i Ela: o Kinasi.

16Kei iratou na luve i Yialilieli: o Sifi, kei Sifa, ko Tiria, kei Esareli.

17Ia ko iratou na luve i Esira: o Yeceri, kei Mereti, kei Iferi, kei Yaloni. Ia ko iratou o qo na luve i Piciya na luvena alewa ko Fero, o koya ka taura ko Mereti: sa vakasucumi Miriami, kei Samei, kei Isipa na tama i Esitimoa:

18ia na watina na kai Juta sa vakasucumi Yireti na tama i Kitori, kei Eperi na tama i Soko, kei Yikucieli na tama i Sanoa.

19Ia ko iratou na luvena na watina ko Otiya na gane i Neami, na tama i Kila na Sui-kaukauwa, kei Esitimoa na luve i Meeka.

20Ia ko iratou na luve i Simoni: o Eminoni, kei Rina, ko Peni-anani, kei Tiloni. Ia koi rau na luve i Isi: o Soeci, kei Peni-soeci.

21Oi rau na luve i Sela na luve i Juta: o Eri na tama i Leka, kei Lata na tama i Maresa, kei na veimataqali ni nodra kawa era sa cakai sulu matailalai, e na lewe-ni-vale i Esipea,

22kei Yokimi, kei ira na tamata mai Kosepa, kei Yoasi, kei Sarafi, o koya ka lewa mai Moapi, kei Yasupi-leemi. Ia sa makawa na veika.

23O ira o qo na dautuli kuro, kei ira sa dautiko e na loga ni kau kei na bai bula: era sa tiko maikea kei na tui me cakacaka vua.

24O IRATOU na luve i Simioni: o Nimueli, kei Yamini, o Yaripi, o Sera, o Sauli:

25o Salumi na luvena, o Mipisami na luvena, o Misima na luvena.

26Ia na luve i Misima: o Amueli na luvena, o Sakuri na luvena, o Simi na luvena.

27A sa tinikaono na luvena tagane ko Simi, ka ono na luvena alewa; ka sa sega ni vuqa na luvedra na tacina, a ra sa sega ni tubu na nodra mataqali kecega me lewe vuqa, me vakai ira na luve i Juta.

28A ra sa tiko mai Pieri-sepa, kei Molata, kei na koro ko Suali,

29mai Pila talega, kei Esemi, kei Tolati,

30kei Pecueli, kei Orima, kei Sikilaki,

31kei Peci-marikapoci, kei na koro ko Susimi, kei Peci-piri, kei Seereimi. O ira o qo na nodra Veikoro ka yacova na gauna sa lewa kina ko Tavita.

32Ia na nodra Veikoro lalai, o Etama, kei Ayini, ko Rimoni, kei Tokeni, kei Asani, e lima na koro:

33kei na nodra Veikoro lalai kecega sa voleka ki na veikoro o qo, ka yacovi Peali. O qo na nodrai tikotiko, kei na nodrai tabatamata.

34Ia ko Mesopapi, kei Yamileki, kei Yosa na luve i Amasiya,

35kei Joeli, kei Yeu na luve i Yosipiya, na luve i Siraya, na luve i Esieli,

36kei Ilioenei, kei Yeekopa, kei Yisoaya, koi Asaya, kei Etieli, kei Yesimieli, kei Pinaya,

37kei Sisa na luve i Sifi, na luve i Eloni, na luve i Yitaya, na luve i Simiri, na luve i Simaya;

38o ira o qo sa cavuti na yacadra era sa turaga e na nodra veimataqali: a sa tubu na mataqali ni tamadra me lewe vuqa sara.

39A ra sa lako ki nai curucuru ki Kitori, ki na yasa ni buca sa donuya na tu i cake, me qara na kedra na nodra manumanu.

40A ra sa kunea e dua na were vakaco, ka vinaka, a sa rabailevu na vanua, ka tiko vakacegu, ka sautu; ni ra sa tiko maikea eliu na luve i Ami.

41Ia ko ira o qo sa volai na yacadra, era sa lako mai e na gauna i Isikiya na tui Juta, ka mokuta na nodra veivale gatu, kei ira na kai Maoni sa kune maikea, ka vakarusa sara ka yacova na siga o qo, ka tiko me kedrai sosomi: e na vuku ni sa maikea na kedra na nodra manumanu.

42Ka so vei ira, io vei ira na luve i Simioni, era tamata e lewe lima na drau, era sa lako ki na ulu-ni-vanua ko Seira, a sa nodra turaga ko Pilatiya, kei Neariya, kei Rifaya, kei Usieli, era luve i Isi.

43A ra sa mokuti ira na Amaleki sa vo ka bula tiko, a ra sa tiko maikea ka yacova na siga o qo.