Ai I Vola I Simueli 21 - AI VOLA TABU（FIJ1864）

Sa lako ki Nopi ko Tavita, ka kana madrai tabu, 1-6, a sa kauta maikina nai seleiwau i Koliyaci, 8, 9. Sa dro ki Kaca, ka lialiataka na nonai valavala e na mata i tui Kaca, 10-15.

1A SA lako ki Nopi ko Tavita kivei Eiimeleki na bete: a sa rere vakalevu ko Eiimeleki ni sa tavaki Tavita; a sa kaya vua, A cava ko sa taudua mai kina, a sa sega na tamata drau sa lewe rua kaya?

2A sa kaya ko Tavita vei Eiimeleki na bete, Sa rotaka vei au e dua na ka ko koya na tui, ka kaya vei au, Me kakua sara ni dua na tamata me kila na ka kaʼu sa talai iko kina, se na ka kaʼu sa rotaka vei iko: ia kaʼu sa lesi ira nai talatala me tavaki iko e na dua na yasana sa kilai.

3Ia o qo, a cava beka sa tu vei iko? mo solia mai vei au e lima nai buli madrai, se dua na ka sa tu eke.

4A sa vosa vei Tavita ko koya na bete, ka kaya, Sa sega na madrai walega sa tu vei au, ia na madrai tabu ga sa tu; kevaka era sa maroroi ira mai na alewa ko ira na cauravou.

5A sa vosa vua na bete ko Tavita, ka kaya vua, Sa vakatabui vakaidina vei keitou na alewa ka bogi tolu, niʼu sa lako voli mai, a sa savasava na nodra veibilo na cauravou, a sa vaka sa tawa tabu na ka o qori, ka sa levu cake ni sa vakatabui edaidai e na bilo.

6A sa solia vua ko na bete o qori sa tabu: ni sa sega na madrai tani sa tu maikea, na madrai dauraici ga, a ya sa kauti tani mai na mata i Jiova, me virino na madrai katakata e na siga sa kauti tani kina. (

7A sa maikea e dua vei ira na tamata i Saula e na siga ko ya, ni sa wawa tiko e na mata i Jiova; ia na yacana ko Toeki, e dua na kai Itomi, a nodra turaga nai vakatawa ni manumanu nei Saula.)

8A sa kaya ko Tavita vei Eiimeleki, Sa sega beka ni tu vei iko eke e dua na moto, se dua nai seleiwau? niʼu sa sega ni kauta mai na noqui seleiwau se na noqui yaragi, e na vuku ni sa vakusakusa na ka ni tui.

9A sa kaya ko koya na bete, Ai seleiwau ga nei Koliyaci na kai Filisitia, ko a vakamatea e na buca ko Ela, raica, sa viviraki e na dua nai sulu mai daku ni efoti: kevaka ko sa via kauta o qori, mo kauta; ni sa sega tale e dua sa tu eke. A sa kaya ko Tavita, Sa sega e dua me tauvata kaya: mo solia mai vei au.

10A sa ia ko Tavita, ka dro e na siga ko ya, ni sa rerevaki Saula, ka lako kivei Akisi na tui Kaca.

11Ia sa kaya ko ira na tamata nei Akisi vei koya, Sa sega li ni Tavita ko koya o qo, na tui ni vanua? era sa sega li ni veicavuti koya e na veimeke, ka kaya, Sa vakamatea na nona veiudolu ko Saula, kei na nona veiudolu vakatini ko Tavita?

12A sa virikotora ko Tavita e na yalona na vosa o qo, a sa rere vakalevu e na mata i Akisi na tui Kaca.

13A sa valavala vakatani e na matadra, ka viavia lialia vei ira, ka vola walega na veisogo ni matamata-ni-koro, ka laiva me lutu na nona weli ki na kumina.

14A sa kaya ko Akisi vei ira na nona tamata, Raica, dou sa raica gona ni sa lialia na tamata o qo: a cava so dou sa kauti koya mai kina kivei au?

15sa lailai beka vei au na tamata lialia, ka dou sa kauta mai kina o qo me valavala vakalialia vei au? ena lako mai li ki na noqu vale na tamata o qo?