Ai Vola Kei Josua 21 - AI VOLA TABU（FIJ1864）

Sa ra yavala na luve i Levi me soli vei ira e so na koro, 1, 2. A sa lesi vei ira na koro e so e na veimataqali, 3-42. Ai vakadinadina ni vosa ni Kalou vei ira na Isireli, 43-45.

1IA ko ira na nodra turaga na qase vei ira na luve i Levi, era sa toro mai vei Eliasari na bete, kei Josua na luve i Nuni, kei iratou na nodra turaga na qase ni nodra veiyavusa na luve i Isireli;

2a ra sa vosa vei ira mai Silo e na vanua ko Kenani, ka kaya, Sa vunautaka ko Jiova e na gusu i Mosese me solia na koro e so me keitou tiko kina, kei na vanua sa volita, ki na neitou manumanu e yavai va.

3A ra sa solia vei ira na luve i Levi ko ira na luve i Isireli, mai na nodrai votavota, na veikoro o qo kei na vanua sa volita, me vaka na vosa i Jiova.

4A sa lutu nai vola ni veidigidigi ki na nodra veimataqali na luve i Koaca: ia na luve i Eroni na bete, maivei ira na luve i Levi, era rawata e tinikatolu na koro, me vaka nai vola ni veidigidigi, mai na yavusa i Juta, ka mai na yavusa i Simioni, ka mai na yavusa i Penijamini.

5Ia ko ira sa vo vei ira na luve i Koaca, era rawata e tini na koro, me vaka nai vola ni veidigidigi, mai na veimataqali ni yavusa i Ifireimi, ka mai na yavusa i Tani, ka mai na wase e dua ni yavusa i Manase.

6Ia ko ira na luve i Kerisoni, era rawata e tinikatolu na koro, me vaka nai vola ni veidigidigi, mai na veimataqali ni yavusa i Isakari, ka mai na yavusa i Aseri, ka mai na yavusa i Nafitali, ka mai na wase e dua ni yavusa i Manase mai Pasani.

7A sa tinikarua na koro era rawata na luve i Mirari, me vaka na nodra veimataqali, mai na yavusa i Rupeni, ka mai na yavusa i Kata, ka mai na yavusa i Sepuloni.

8Ia era sa solia e nai vola ni veidigidigi ko ira na luve i Isireli, vei ira na luve i Levi, na veikoro o qo kei na vanua sa volita, me vaka ka vakarota ko Jiova e na gusu i Mosese.

9A ra sa solia na veikoro o qo, sa cavuti eke na yacadra, mai na nodra yavusa na luve i Juta, ka mai na nodra yavusa na luve i Simioni:

10era sa rawata ko ira na luve i Eroni, e na nodra veimataqali na luve i Koaca, ni ra sa luve i Levi: ni sa nodra nai vola ni veidigidigi sa tauri eliu.

11A ra solia vei ira na koro i Aripa, na tama i Anaki, (a ya ko Epironi,) kei na vanua e nai bili sa volita, sa toka mai na ulu-ni-vanua nei Juta.

12Ia na kena vanua na koro ko ya, kei na kena veikoro lalai, era sa solia vei Kalepi na luve i Yifune me nonai votavota.

13A ra sa soli Epironi kei na vanua sa volita, vei ira na luve i Eroni na bete, me koro me dro kina ko koya sa ravuravu, ko Lipina talega kei na vanua sa volita,

14kei Yatiri kei na vanua sa volita, kei Esitimoa kei na vanua sa volita,

15kei Oloni kei na vanua sa volita, kei Tipiri kei na vanua sa volita,

16kei Ayini kei na vanua sa volita, kei Juta kei na vanua sa volita, ko Peci-semesi kei na vanua sa volita; e ciwa na koro mai na yavusa e rua o qo.

17A mai na yavusa i Penijamini, ko Kipioni kei na vanua sa volita, ko Kipa kei na vanua sa volita,

18o Anacoci kei na vanua sa volita, kei Alimoni kei na vanua sa volita; e va na koro.

19A koro kecega ni luve i Eroni, era bete, sa tinikatolu na koro kei na vanua sa volita.

20Ia na nodra veimataqali na luve i Koaca, era luve i Levi sa vo vei ira na luve i Koaca, na nodra veikoro sa lutu vei ira, e nai vola ni veidigidigi, mai na yavusa i Ifireimi.

21Ni ra soli Sikemi vei ira kei na vanua sa volita mai na ulu-ni-vanua ko Ifireimi, me koro me dro kina ko koya sa ravuravu; kei Keseri kei na vanua sa volita,

22kei Kipiseimi kei na vanua sa volita, kei Peci-oroni kei na vanua sa volita; e va na koro.

23Ia mai na yavusa i Tani, ko Ilitike kei na vanua sa volita, ko Kipiconi kei na vanua sa volita,

24ko Eiyaloni kei na vanua sa volita, ko Kaca-rimoni kei na vanua sa volita; e va na koro.

25Ia mai na wase e dua ni yavusa i Manase, ko Teenaki kei na vanua sa volita, kei Kaca-rimoni kei na vanua sa volita; e rua na koro.

26Na koro kecega, vei ira na nodra veimataqali na luve i Koaca sa vo, sa tini kei na vanua sa volita.

27Ia kivei ira na luve i Kerisoni, e na nodra veimataqali na luve i Levi, era soli Kolani mai Pasani kei na vanua sa volita, me dro kina ko koya sa ravuravu, mai na wase e dua ni yavusa i Manase; kei Pesitira kei na vanua sa volita; e rua na koro.

28Ia mai na yavusa i Isakari, ko Kisioni kei na vanua sa volita, ko Tapiraci kei na vanua sa volita,

29ko Yarimuci kei na vanua sa volita, ko Eni-kanimi kei na vanua sa volita; e va na koro.

30Ia mai na yavusa i Aseri, ko Misali kei na vanua sa volita, ko Apitoni kei na vanua sa volita,

31ko Elikaci kei na vanua sa volita, kei Riopi kei na vanua sa volita; e va na koro.

32Ia mai na yavusa i Nafitali, ko Ketesi mai Kalili kei na vanua sa volita, me dro kina ko koya sa ravuravu; kei Emoci-tori kei na vanua sa volita, kei Karitani kei na vanua sa volita; e tolu na koro.

33A nodra koro kecega na luve i Kerisoni, me vaka na nodra veimataqali, sa tinikatolu na koro kei na vanua sa volita.

34Ia kivei ira na nodra veimataqali na luve i Mirari, na kena vo ni luve i Levi, era soli Yokiniami kei na vanua sa volita, mai na yavusa i Sepuloni, ko Kari ta kei na vanua sa volita,

35ko Timina kei na vanua sa volita, ko Neelali kei na vanua sa volita; e va na koro.

36Ia mai na yavusa i Rupeni, era soli Peseri kei na vanua sa volita, kei Yasa kei na vanua sa volita,

37ko Kitemoci kei na vanua sa volita, kei Mefeaci kei na vanua sa volita; e va na koro.

38Ia mai na yavusa i Kata, ko Ramoci mai Kiliati kei na vanua sa volita, me dro kina ko koya sa ravuravu; kei Meeneimi kei na vanua sa volita,

39ko Esiponi kei na vanua sa volita, ko Yaseri kei na vanua sa volita; na koro kece sa va.

40Na nodra koro kece na luve i Mirari, me vaka na nodra veimataqali, a ya sa vo vei ira na nodra veimataqali na luve i Levi, sa tinikarua na koro, me vaka nai vola ni veidigidigi.

41Na nodra koro kecega na luve i Levi, e loma ni nodrai votavota na luve i Isireli, sa vasagavulu ka walu na koro kei na vanua sa volita.

42Na veikoro o qo era sa vata yadua kei na vanua sa volita: sa vakaoqo na koro kecega o qo.

43A SA solia vei ira na Isireli ko Jiova na vanua kece ka vosavavakini kina ko koya me solia vei ira na nodra qase; a ra sa taukena, ka tiko kina.

44A sa vakacegu-taki ira ko Jiova, e na yasana kece, me vaka na ka kecega ka vosavavakini kina vei ira na nodra qase; a sa sega ni dua na tamata vei ira kecega na nodra meca me tu rawa e matadra; sa solia na nodra meca kecega ki na ligadra ko Jiova.

45Sa sega ni lutu e dua na-ka e na ka vinaka kecega ka vosa kina ko Jiova ki na mataqali nei Isireli; sa yaco kecega.