1A SA kaya vei Josua ko Jiova, Mo kakua ni rere, se yalolailai: mo kauti ira na tamatai valu kecega vata kei iko, ka ia, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:
2ia mo kitaki Ai kei na kena tui, me vaka ko a kitaki Jeriko kei na kena tui; ia nai toki ni valu sa rawai kina, kei na kena manumanu e yavai va, dou na kauta me nomudou: mo lawavaka na koro mai dakuna.
3A sa ia ko Josua, kei ira na tamatai valu kece, me lako cake ki Ai: a sa digia ko Josua e tolusagavulu na udolu na tamatai valu qaqa, ka talai ira yani ni sa bogi na vanua.
4A sa vakarota vei ira, ka kaya, Raica, dou na lawavaka na koro, io mai na daku ni koro: dou kakua ni yawa sara mai na koro, ia dou vakarau kece tu.
5Ia koi au kei ira na tamata kecega era tiko vei au, keitou na toro ki na koro: ia ni ra na curu kitautuba me veitata kei keitou, me vaka eliu, keitou na drotaki ira,
6(ni ra na curu muri keitou mai etautuba,) me keitou vecei ira mada mai na koro; ni ra na kaya, Era sa drotaki keda, me vaka eliu; ia keitou na drotaki ira kina.
7Dou na qai tu cake mai na tikina dou a lawa koto kina, ka kabata na koro, ia ena solia ki na ligamuni ko Jiova na nomuni Kalou.
8Ia ni dou sa rawata na koro, dou na qai tutuvaka na koro e na buka: me vaka na vosa i Jiova dou na kitaka. Raica, au sa vakarota vei kemudou.
9A sa talai ira yani ko Josua, a ra sa lako ki na tikina me ra lawa koto kina, a ra sa tiko e na kedrau maliwa ko Peceli kei Ai, kivaka ki ra mai Ai: ia ka sa moce ko Josua e na kedra maliwa na tamata e na bogi ko ya.
10A sa sou e na sabogibogi ko Josua, ka wiliki ira na tamata, ka lako cake, ko koya kei ira na qase ni Isireli, ka liutaki ira na tamata ki Ai:
11ia ko ira kecega na tamatai valu era tiko kaya, era lako cake, ka toro voleka, ka lako me donuya na koro, a ra laʼki tiko mai na mata ni tokalau ki Ai; ia e na kedra maliwa kei Ai sa tu na buca.
12Ia ka sa kauta ko koya e lewe lima na udolu beka na tamata, ka lesi ira me ra laʼki lawa e na kedrau maliwa ko Peceli kei Ai, kivaka ki ra ki na koro.
13Ia ni sa vakatikori ira na tamata, io na tamatai valu kecega, ki na yasa ni koro sa donuya na tokalau, kei ira na tamata era lawa ki na yasa ni koro sa donuya na ra, sa qai lako ko Josua ki na loma ni buca e na bogi ko ya.
14Ia ni sa raica ko na tui Ai, era vaka-riri ka sou e na sabogibogi, ka curu yani na lewe ni koro me tavaki ira na Isireli me ra veivala, ko koya, kei na nona tamata kecega, e na tiki-ni-siga sa loku, vaka ki na mata ni cecelevu, a sa tawa kila ko koya ni sa tiko vua na lawa e na daku ni koro.
15Ia ko Josua kei ira kecega na Isireli era vaka era sa gu ca vei ira, a ra sa dro e na sala kivaka ki na lekutu.
16A sa qo-louvaki me ra soqoni vata na tamata kecega sa tiko e na koro me cicivi ira, a ra sa cicivi Josua, a ra sa vecei mai na koro.
17A sa sega na tamata sa vo e Ai kei Peceli, me tawa laʼki muri ira na Isireli, a ra sa laiva na koro ka sa dola tu na matamata-ni koro, ni ra sa laʼki muri ira na Isireli.
18A sa kaya vei Josua ko Jiova, Mo dodoka na moto sa tu e ligamu kivaka ki Ai; niʼu sa solia ki na ligamu. A sa dodoka ko Josua na moto sa tu e ligana kivaka ki na koro:
19a sa tu cake vakasauri na lawa mai na nodra tikina, ka cici ni sa dodo tu na ligana, a ra sa lako mai ki na koro, ka rawata, a ra vakariri me vakama na koro e na buka.
20A ra sa gole kimuri na kai Ai, ka sa kunea, ka, raica, sa lako cake ki lagi na kubou ni koro, a ra sa sega ni dro rawa vaka, se vaka, ia ko ira ka dro vaka ki na lekutu, era vuki me vala kei ira sa vakasavi ira.
21Ia ni sa raica ko Josua kei ira na Isireli kecega ni ra sa rawata na koro na lawa, a sa lako cake na kubou ni koro, era qai vuki, ka mokuti ira na kai Ai.
22Ia ko ira ka lawa era curu kitautuba mai na koro me ra tavaki ira; a ra sa tiko vakaoqo e na kedra maliwa na Isireli, ni sa tiko e so vaka, a sa tiko e so vaka, a ra sa mokuti ira, ka sega ni laiva e dua vei ira me vo se dro.
23Ia ko na tui Ai, era taura bula, ka kauta mai vei Josua.
24Ia ni sa vakamatei ira oti kecega na kai Ai ko ira na Isireli, e na veiwere, e na lekutu era a vakasavi ira kina, ia ni ra sa bale kece e na bati ni seleiwau, a ra sa oti kina, era sa qai lesu na Isireli kecega ki Ai, ka yavita e na bati ni seleiwau.
25Ia ko ira kece na tagane kei na alewa ka bale e na siga ko ya, era sa tinikarua na udolu, io na kai Ai kecega.
26A sa sega ni lokia na ligana ko Josua, ka dodoka kina na moto, ka sa vakamatea me oti mada eliu na kai Ai kecega.
27Ia na manumanu e yavai va kei nai toki ni valu mai na koro ko ya, era kauta na Isireli me nodra, me vaka na vosa ka vakarota vei Josua ko Jiova.
28A sa vakamai Ai ko Josua, ka cakava me suva wale tu ka tawa mudu; io ka yacova na siga o qo.
29Ia ko na tui Ai sa vakarubeca ko koya e na kau me yakavi mada, ia ni sa laʼki dromu na siga, sa qai vakarota ko Josua, a ra sa kevutaka na yagona mai na kau, ka biuta ki na matamata-ni-koro, ka binia ki delana nai binibini vatu levu, a ya sa tu ka yacova na siga edaidai.
30Sa qai tara e dua nai cabocabo-ni-soro ko Josua vei Jiova na Kalou no Isireli, mai na ulu-ni-vanua ko Epali,
31n vaka ka vakaroti ira na luve i Isireli k Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa tawa ta ka tawa laveti cake kina na kaukamea; ra sa cabora kina e so nai soro kama vo Jiova, ka vakamatea e so nai madrali e n veivinakati.
32A sa vola kina ko koya e na veivatu dua nai vakarua ni vunau i Mosese, a ya k vola ko koya e matadra na luve i Isireli.
33Ia ko ira kecega na Isireli, kei ira n nodra qase, kei na turaga lalai, kei n nodra dauveilewai, na vulagi kei nai tauk talega, era sa tu mai na kena yasa o qo ko na kena yasa ko ya ni kato, e na matadra n bete na luve i Levi, era sa colata na kato i veiyalayalati i Jiova; e dua na kedra was sa donuya na ulu-ni-vanua ko Kirisimi, k dua na kedra wase sa donuya na ulu-ni-vanua ko Epali; me ra vosavakalougatatak ira na kai Isireli, me vaka ka vakarota eli ko Mosese nai talatala i Jiova.
34A s oti sa qai wilika ko koya na vosa kece r vunau, na vosa ni veivakalougatataki kt na vosa ni veivakarusai, me vaka na k kecega sa volai e nai vola ni vunau.
35Sa sega ni dua na vosa e na ka kece k vunautaka ko Mosese, me tawa wilika k Josua, e na matadra nai vavakoso taucok nei Isireli, kei ira na alewa kei na gon lalai, kei na vulagi era sa tiko lako ke ira.
Who We AreWhat We EelieveWhat We Do
2025 by iamachristian.org,Inc All rights reserved.
