Ai Vola Kei Josua 5 - AI VOLA TABU（FIJ1864）

Sa rere ko irana kai Kenani, 1. Sa kitaki tale na veicilivi, 2-9. Sa ia na solevu ni lako-sivia, 10. Sa cegu ni tau na mana, 11, 12. Sa rairai vei Josua ko na Turaga ni valu i Jiova, 13-15.

1IA ko ira kecega na nodra tui na luve i Amori sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca ni sa vakadiva ko Jiova na wai ni Joritani e na matadra na luve i Isireli, me ra lako mada ki tai kadua, sa qai waicala na yalodra, ka sa yali na nodra lomadei, e na vukudra na luve i Isireli.

2E na gauna ko ya sa kaya ko Jiova kivei Josua, Mo cakava vei iko e so nai sele vatu, ka cilivi ira tale na luve i Isireli.

3A sa cakava vua ko Josua e so nai sele vatu, ka cilivi ira na luve i Isireli mai Kipa-araloci.

4Ia sa vakaoqo na ka sa kitaka kina na veicilivi ko Josua: Ko ira kece na tamata ka lako tani mai Ijipita, io ko ira kece na tagane ka yaga e nai valu, era mate mai na lekutu e na sala ni ra lako yani mai Ijipita:

5ia ko ira kecega na tamata ka lako yani, era sa cilivi oti: ia ko ira kecega na tamata ka sucu mai na lekutu e na sala ni ra sa lako tani mai Ijipita, era sega ni cilivi.

6Ni sa vasagavulu na yabaki ka ra lako voli na luve i Isireli mai na lekutu, a ra oti kece mada na tamata sa tamatai valu ka lako tani mai Ijipita, e na vuku ni ra tawa vakarorogo ki na domo i Jiova: ia ka vosavavakini kina vei ira ko Jiova me kakua ni vakaraitaka kivei ira na vanua, ka vosavavakini kina ko Jiova vei ira na nodra qase me solia vei keda, e dua na vanua sa dave kina na oni kei na wai-ni-sucu;

7ia sa vakatuburi ira na luvedra ko koya me kedrai sosomi: ko ira o qo sa ciliva ko Josua, ni ra sa tawa cili, e na vuku ni ra tawa cilivi oti e na gau-ni-sala.

8Ia ni ra sa cili oti na tamata kece, era tiko vakadua e nodra tikina e na koro, ka me ra bula mada.

9A sa kaya vei Josua ko Jiova. Au sa vaqiqica tani vei kemudou e na siga edaidai na veivakalialiai e na vuku i Ijipita. A sa vakatokai na tikina ko ya ko Kilikali, ka yacova na siga edaidai.

10A ra tiko mai Kilikali na luve Isireli, ka kitaka na solevu ni lako-sivia, o na kenai katinikava ni siga ni vula, e na yakavi, mai na cecelevu mai Jeriko.

11A ra kania e so na vua ni vanua ko ya e na siga sa muria na solevu ni lako-sivia; io na madrai tawa vakalevenitaki kei na sila tavu, e na siga dina ko ya.

12A sa mudu na mana e na siga sa muri na siga era kania kina na vua ni vanua a sa sega tale na mana vei ira na luve Isireli, a ra kania ga na vua ni vanua ko Kenani e na yabaki ko ya.

13IA ni sa tiko voleka ki Jeriko ko Josua, sa ta cake e na matana ko koya, ko rai yani, ka, raica, sa tu e matana e dua n tamata, sa ucuni tu e ligana na nonai selei wau: a sa toro vua ko Josua, ka tarog vua, O sa totaki keimami, se ko totak ira na neimami meca?

14A sa kaya k koya, E segai; sa Turaga ga ni valu Jiova koi au, kaʼu sa lako mai o qo. A sa bale vakatobocu ki na qele ko Josua, k soro, ka kaya vua, A cava e kaya na noq Turaga vua na nonai talatala?

15A sa kay na Turaga ni valu i Jiova vei Josua, Luvat na nomui vava mai na yavamu, ni sa tab na tikina ko sa tu kina. A sa kitaka vaka kina ko Josua.