1EDA a qai gole yani, ka lako cake e na sala ki Pasani: a sa lako mai me tavaki keda ko Oki na tui Pasani, ko koya kei ira kecega na nona tamata, me ia nai valu mai Etirei.
2A sa kaya vei au ko Jiova, Mo kakua ni rerevaki koya: niʼu na soli koya, kei ira kecega na nona tamata, kei na nona vanua, ki na ligamu; ia ko na kitaki koya me vaka ko a kitaki Sioni na nodra tui na luve i Amori, ko koya ka tiko mai Esiponi.
3A sa soli Oki talega, na tui Pasani, ko Jiova na noda Kalou, ki na ligada, kei ira kecega na nona tamata: ia eda sa yavita me sega e dua me vo vei koya.
4Ia eda sa kabata na nona koro kecega e na gauna ko ya, sa sega e dua na koro eda sa sega ni kovea maivei ira, e onosagavulu na koro, a vanua kecega ko Arikopi, na matanitu i Oki mai Pasani.
5A koro kecega ko ya sa viribaiti e na bai vatu cecere, na vei-sogo, kei na samugakagaka; e vuqa sara talega na veikoro sa sega ni vakabai.
6Ia eda a vakawabokotaki ira, me vaka na ka eda a kitaka vei Sioni na tui Esiponi, ni da a vakaoti ira na tagane, ko ira na alewa, kei na lalai, e na koro kecega.
7Ia na manumanu e yavai va kecega, kei na yau e na Veikoro, eda sa tokitaka me noda.
8Ia eda sa kovea, e na gauna ko ya, mai na li-gadrau e rua na nodra tui na luve i Amori; na vanua sa koto e na baravi o qo ni Joritani, mai na uciwai ko Arinoni ka yaco ki na ulu-ni-vanua ko Erimoni; (
9o Erimoni era vakatoka ko Sirioni ko ira na kai Saitoni; a ra sa vakatoka ko Siniri ko ira na luve i Amori;)
10a Veikoro kecega mai na buca, kei Kiliati taucoko, kei Pasani taucoko, ka yacovi Salika kei Etirei, na Veikoro ni matanitu i Oki mai Pasani.
11Ni sa vo ko Oki ga na tui Pasani vei ira sa vo e na tamata yagolevu sara; raica, sai mocemoce aironi na nonai mocemoce; sa sega li ni toka mai Rapa era sa taukena na luve i Amoni? e tinikawalu na caga na kena balavu, ka walu na caga na kena rabailevu, me vaka na caga ni tamata.
12Ia na vanua o qo, eda sa taura e na gauna ko ya, mai Aroeri, ko koya mai na uciwai ko Arinoni: ia e dua na wase ni ulu-ni-vanua ko Kiliati, kei na kena Veikoro, au a solia vei ira na luve i Rupeni kei na luve i Kata:
13ia na wase i Kiliati sa vo, kei Pasani taucoko, na matanitu i Oki, au a solia ki na dua na wase ni yavusa i Manase; na vanua kecega ko Arikopi, kei Pasani taucoko, a ya sa dauvakatokai na vanua tamata yagolevu sara.
14Ko Yairi na luve i Manase sa taura na vanua kecega ko Arikopi ka yacova na nodrai yalayala na luve i Kisuri kei Meeka; ka sa vakatokai ira e na yacana, Na veikoro i Yairi mai Pasani, ka yacova na gauna o qo.
15Ia kaʼu a soli Kiliati kivei Mekiri.
16Ia vei ira na luve i Rupeni kei na luve i Kata, kaʼu a solia mai Kiliati ka yacova na uciwai ko Arinoni, e dua na wase ni buca, kei nai yalayala me yacova na uciwai ko Yapoki, sa nodrai yalayala na luve i Amoni;
17na cecelevu talega, kei na Joritani, kei na baravi, mai Kinereci ka yacova na Wasawasa mai na cecelevu, na wasa tuituina, e ruku i Asitoci-pisika kivaka ki cake.
18Ia kaʼu a vakaroti kemuni e na gauna ko ya, ka kaya, Sa solia vei kemuni na vanua o qo ko Jiova na nomuni Kalou mo ni taukena: kemuni na vakaiyaragi ka liutaki ira na wekamuni na luve i Isireli, kecega sa tamatai valu.
19Ia ko ira ga na watimuni, kei na nomuni lalai, kei na nomuni manumanu e yavai va, (au sa kila ni sa levu na nomuni manumanu,) era na tiko e na nomuni Veikoro kaʼu sa solia oti vei kemuni;
20ka me solia oti mada ko Jiova nai vakavaka-cegu vei ira na wekamuni, me vaka vei kemuni, ka me ra taukena ko ira talega na vanua sa solia vei ira ko Jiova na nomuni Kalou mai na tai ni Joritani kadua: o ni na qai lesu na tamata yadua ki na nona vanua, kaʼu sa solia vei kemuni.
21Ia kaʼu a vakaroti Josua e na gauna ko ya, ka kaya, Sa raica na matamu na ka kecega sa cakava ko Jiova na nomuni Kalou vei rau na tui o qo: ena cakacaka vakakina ko Jiova ki na matanitu kecega ko na lako yani kina:
22mo ni kakua ni rerevaki ira: ni sa ko Jiova na nomuni Kalou sa veivala e na vukumuni.
23Ia kaʼu a vakamasuti Jiova e na gauna ko ya, ka kaya,
24I Jiova na Turaga, kemuni sa vakatekivu oti me vakatakila vua na nomuni tamata na kemuni levu, kei na ligamuni kaukauwa: ia ko cei na kalou mai lomalagi se e vuravura me cakava rawa na ka sa tautauvata kei na nomuni cakacaka, kei na nomuni kaukauwa?
25Meʼu lako-kosova mada, ka raica na vanua vinaka, a ya mai na tai kadua ni Joritani, na ulu-ni-vanua vinaka ko ya, kei Lipanoni.
26Ia ka sa cudruvi au ko Jiova e na vukumuni, ka sega ni rogoci au: a sa kaya vei au ko Jiova, Mo kua so mada; mo kakua ni vosa tale vei au e na ka o qo:
27mo cabe ki na dela i Pisika, ka rai yani kivaka ki ra, kei na tokalau, kei na ceva, kei na tu i cake, ka raica e na matamu: ni ko na tawa lako-kosova na Joritani o qo.
28Ia mo vakaroti Josua, ka vakaqaqataki koya, ka vakaukauwataki koya: ni na liutaki ira na tamata o qo ko koya, ka na vakatikori ira ko koya e na vanua ko na raica.
29Ia eda a tiko e na buca sa donui Peci-piori.
Who We AreWhat We EelieveWhat We Do
2025 by iamachristian.org,Inc All rights reserved.
