Nai Vakarua 2 - AI VOLA TABU（FIJ1864）

Sa kitaka tiko na nonai tukutuku ko Mosese: sa tukuna ni ka tabu na nodra veivala kei ira na kai Itomi, 1-7, kei ira na luve i Moapi, 8-15, kei na luve i Amoni, 16-23. A sa moku ga ko Sioni, 26-37.

1EDA a qai gole tani, ka lako yani ki na lekutu e na sala kivaka ki na Wasa Damudamu, me vaka na vosa i Jiova vei au: ia eda sa tiko vakavolivolita na ulu-ni-vanua ko Seira ka bogi vuqa.

2A sa vosa vei au ko Jiova, ka kaya,

3Sa dede ga na nomudou vakavolivolita na ulu-ni-vanua o qo: dou gole tani kivaka ki na tokalau.

4Ia mo vakaroti ira na tamata, ka kaya, Kemuni na lako e loma ni nodra yasana na wekamuni na luve i Iso, era tiko mai Seira; ia era na rerevaki kemuni: mo ni vakaraici kemuni vinaka kina:

5mo ni kakua ni sagai ira; niʼu na tawa solia vei kemuni e dua na tiki ni nodra vanua, sa sega na tikina e vaka na raba ni yava; niʼu sa solia na ulu-ni-vanua ko Seira vei Iso me taukena:

6dou na volia na kakana vei ira e nai lavo, mo ni kania; ka dou na volia talega na wai vei ira e nai lavo, mo ni gunuva.

7Ni sa vakalougatataki iko ko Jiova na nomu Kalou e na cakacaka kecega ni ligamu: sa kila ko koya na nomui lakolako e na lekutu levu o qo: e vasagavulu na yabaki o qo sa tikoga kei iko ko Jiova na nomu Kalou; sa sega na ka ko sa dravudravua kina.

8Ia eda a lako tani vei ira na wekada na luve i Iso, era tiko mai Seira, ka lako e na sala mai na cecelevu mai Elaci, kei Esioni-keperi; eda qai gole tani ka lako yani e na sala ki na lekutu ni Moapi.

9A sa kaya vei au ko Jiova, Mo kakua ni vakararawataki ira na Moapi, ia me kakua ni saga va e nai valu: niʼu na tawa solia vei iko e dua na tiki ni nodra vanua mo taukena; niʼu sa soli Ari vei ira na luve i Loti me ra taukena. (

10Era sa tiko maikina eliu na luve i Emimi, a mataqali yagolevu, ka lewe vuqa, ka balabalavu, me vakai ira na luve i Anaki;

11a ya era rogo ni sa tamata yagolevu sara, me vakai ira na luve i Anaki; ia ko ira na luve i Moapi era sa vakatokai ira, Na Emimi.

12Ko ira na luve i Ori talega, era tiko mai Seira eliu; a ra vakasevi ira ko ira na luve i Iso, ka sa vakaoti ira e na matadra, ka tiko me kedrai sosomi; me vaka sa kitaka ko ira na Isireli ki na vanua era sa taukena, a ya ka solia vei ira ko Jiova.)

130 qo, mo ni tu cake, ka lako-kosova na uciwai ko Sereti. Ia eda a lako-kosova na uciwai ko Sereti.

14Ia na gauna eda a lako mai kina mai Ketesa-parinea, ka yacova na gauna eda sa lako-kosova kina na uciwai ko Sereti, sa tolusagavulu ka walu na yabaki; ka me sa oti yani mada, mai nai vavakoso, nai tabatamata kecega era tamatai valu, me vaka sa vosavavakini ko Jiova vei ira.

15Ia sa vala kei ira na liga i Jiova me vakaoti ira mai nai vavakoso, ka me ra oti yani mada.

16Ia ni sa oti yani kecega na tamatai valu e na mate, maivei ira na tamata,

17sa qai vosa vei au ko Jiova, ka kaya,

18Ko na lako-sivi Ari edaidai, ko ya nai yalayala i Moapi:

19ia ni ko sa yaco me donui ira na luve i Amoni, mo kakua ni vakararawataki ira, se sagai ira: niʼu na sega ni solia vei iko e dua na tiki ni nodra vanua na luve i Amoni mo taukena; niʼu sa solia vei ira na luve i Loti me ra taukena.

24Mo ni tu cake; mo ni ia na lako, ka lako-kosova na uciwai ko Arinoni: raica, kaʼu sa soli Sioni na tui Esiponi, na luve i Amori, ki na ligamu, kei na nona vanua: mo vakatekivu mo taukena, ka sagai koya e nai valu.

25Au sa vakatekivu edaidai me kitaki ira na veimatanitu e ruku ni lomalagi kecega, me ra rerevaki iko, ka domobula e na vukumu, ko ira era sa rogoca na kemui rogorogo, a ra na sautaninini, ka kani yatedra e na vukumu.

26Ia kaʼu a vakatadu mata mai na lekutu mai Kitemoci kivei Sioni na tui Esiponi, me tukuna na vosa ni sautu, ka kaya,

27Meʼu lako madani e loma ni nomu vanua: au na lakolako ga e na salatu, au na sega ni gole yani ki na liga i matau se nai mawi:

28mo volitaka ga vei au na kakana e nai lavo, meʼu kania; ka solia vei au na wai e nai lavo, meʼu gunuva; meʼu lako voli mada ga e na yavaqu;

29(me vaka ka ra kitaka vei au na luve i Iso era tiko mai Seira, kei ira na luve i Moapi era tiko mai Ari;) ka meʼu lako-kosova mada na Joritani ki na vanua sa solia vei keimami ko Jiova na neimami Kalou.

30A sa bese ni laivi keda ko Sioni na tui Esiponi me da lako e loma ni nona: ni sa vakaukauwataka na yalona ko Jiova na nomuni Kalou, ka vakagagataka na lomana, me soli koya kina ki na ligamu, me vaka edaidai.

31A sa kaya vei au ko Jiova, Raica, kaʼu sa vakatekivu me soli Sioni kei na nona vanua e na matamu: mo vakatekivu mo taukena, me nomu na nona vanua.

32Sa qai lako mai me tavaki keda ko Sioni, ko koya kei ira na nona tamata kecega, me ia nai valu mai Yeasi.

33A sa soli koya e na matada ko Jiova na noda Kalou; ia eda a mokuti koya, kei iratou na luvena, kei ira na nona tamata kecega.

34Ia eda a kabata na nona koro kecega e na gauna ko ya, ka vakaoti ira na tagane, kei ira na alewa, kei na lalai, e na koro kecega; eda a sega ni vakavoca e dua:

35ia na manumanu e yavai va eda a tokitaka me noda, kei na yau ni Veikoro eda sa kabata.

36Mai Aroeri, ko ya mai na bati ni uciwai ko Arinoni, kei na koro mai na uciwai, io ka yacovi Kiliati, sa sega na koro sa gumatua vei keda: sa solia kecega vei keda ko Jiova na noda Kalou:

37ia ko sa tawa torova na nodra vanua na luve i Amoni, se na yasana e dua mai na uciwai ko Yapoki, se na Veikoro mai na veiulu-ni-vanua, se dua na yasana ka vakatabuya vei keda ko Jiova na noda Kalou.