Pwovèb Yo 12 - Haitian Bible

1Nenpòt moun ki renmen disiplin, renmen konesans,

men sila ki rayi korije a, se bèt.

2Yon Pwov 3:4bon moun va jwenn favè SENYÈ a;

men Bondye va kondane sila ki fè manèv mechanste a.

3Yon nonm p ap etabli ak mal la;

men rasin Pwov 10:25moun dwat la p ap sòti menm.

4Yon bon madanm se kouwòn a mari li;

men sila ki fè l wont lan se tankou Pwov 14:30 pouriti nan zo li.

5Panse a moun dwat yo jis;

men konsèy a mechan yo se desepsyon.

6Pawòl a mechan yo kouche tann pyèj pou vèse san;

men Pwov 14:3bouch moun dwat yo va delivre yo.

7Mechan yo va boulvèse e vin disparèt;

men kay a moun dwat yo va kanpe.

8Yon nonm ap twouve glwa selon entèlijans li;

men sila ak panse pèvès la va meprize.

9Meyè se sila ki enkoni a, men gen sèvitè,

pase sila ki onore pwòp tèt li e manke pen an.

10Yon nonm ladwati gen respè pou lavi a bèt li;

men konpasyon a mechan an se mechanste.

11Sila Pwov 28:19ki raboure tè li a va gen anpil pen;

men sila ki swiv bagay san valè yo manke bon konprann.

12Moun mechan an vle pran piyaj a mechan yo;

men rasin ladwati yo Pwov 11:30 va donnen fwi li.

13Yon moun mechan pyeje pa transgresyon lèv li;

men moun dwat la va evite pwoblèm.

14Yon nonm va satisfè avèk sa ki bon kon fwi a pawòl li,

e zèv lamen a yon nonm va retounen kote li.

15Chemen a yon moun fou bon nan zye li;

men yon nonm saj koute konsèy.

16Lè yon moun fou vekse, ou konnen sa vit;

men sila ki saj la evite wont.

17Sila ki pale verite a pale sa ki dwat;

men yon fo temwen twonpe.

18Genyen yon moun ki pale san pridans

tankou sila k ap goumen ak nepe yo;

men lang a saj la pote gerizon.

19Lèv verite yo va etabli pou tout tan;

men Sòm 52:4-5lang ki bay manti a rete pou yon moman.

20Desepsyon se nan kè a sila k ap fè manèv mechanste yo;

men konseye lapè yo gen jwa.

21 Sòm 91:10 Nanpwen mal ki rive moun dwat yo;

men mechan yo plen ak twoub.

22 Rev 22:15 Lèv ki manti a abominab a SENYÈ a;

men sila ki aji nan fidelite, se plezi Li.

23Yon moun Pwov 10:14pridan kache sa li konnen;

men kè moun san konprann pale jis nan foli.

24Men a dilijan yo va kòmande;

men parese a va Jen 49:15fè kòve.

25Gwo pwoblèm nan kè a yon moun peze li desann;

men yon És 50:4 bon pawòl fè l leve.

26Moun ladwati a se yon gid a vwazen li;

men chemen a mechan fè yo egare.

27Yon nonm parese pa menm boukannen bèt lachas li,

men pi presye nan sa yon nonm Pwov 10:4posede se dilijans.

28 Det 30:15 Nan chemen ladwati se lavi;

e nan wout li nanpwen lanmò.