A Cakacaka 28 - AI VOLA TABU（FIJ1864）

Sa yalovinaka vei ira ko ira na lewe ni vanua era sa cabe bula kina. Sa dua na gata sa vicia na liga i Paula, a sa sega kina ni ca, 1-6. Sa laʼki vakabula na turaga ni vanua ko Paula kei ira tale e so sa tauvi-mate, 7-10. Era sa qai soko kivaka ki Roma, 11-15. Ni sa tadu ko Paula, sa vakasoqoni ira vata na Jiu, a sa dauvakavulici ira, 16-31.

1IA ni ra sa cabe bula, era sa qai kila ni sa yaca ni yanuyanu ko ya ko Melita.

2A sa lomani keitou vakalevu ko ira nai taukei; ni ra sa vakawaqa nai kelekele buka, a ra sa kauti keitou yadua ki vale, e na vuku ni uca sa qai tau, kei na liliwa.

3Ia ni sa cava mai e dua nai vaubuka ko Paula, a sa laʼki tuva ki na buka sa waqa tu, sa dolo mai na katakata e dua na gata, ka vicia na ligana.

4Ia ni ra sa raica ko ira nai taukei, ni sa lili e na ligana na gata, era sa veikayaka vakai ira, E dina ni sa tamata daulaba o qo, ia ni sa cabe bula mai na waitui, sa sega ni laivi koya ko Sauma me bula.

5A sa qai kuretaka ua gata ki na buka waqa ko koya, a sa sega ni ca kina.

6Ia era sa vakananuma me vuce mai ko koya, se bale sobu vakasauri ka ciba: ia ni ra sa waraka vakadede, ka sega ni kunea e dua na ka ca sa yaco vua, era sa qai veivutuni e lomadra, ka kaya ni sa dua na kalou ko koya.

7A sa tiko e na yasana ko ya e dua na vanua sa nona na turaga ni yanuyanu, o Pupiliu na yacana; a sa vakacegui keitou ko koya, ka vakani keitou vinaka ka bogi tolu.

8Ia sa tauvi-mate na tama i Pupiliu, a sa katakata ka vekacaki dra; a sa curu vua ko Paula, ka masu, a sa tabaka e na ligana, ka Vakabula.

9Ta ni sa caka oti o qo, sa lako mai ko ira tale era sa tauvi-mate e na yanuyanu, a ra sa vakabulai:

10a sa levu na vakarokoroko era sa vakarokorokotaki keitou kina; ia ni keitou sa soko tani, keitou sa bitaki e na veika e yaga era sa solia.

11Ia ni sa oti e tolu na vula, keitou sa soko e na dua na waqa ni Alekisadria, a ya ka kele e na yanuyanu ko ya e na vula i liliwa, a kena matakau ko na Drua tagane.

12A keitou sa sobu ki Sirakuse, ka tiko kina ka bogi tolu.

13Ia keitou sa lako tani eke, ka veicavuyaki, ka yaco ki Rijio; a sa oti e dua na bogi ni sa liwa na ceva, keitou sa yaco e na sabogibogi ki Putioli:

14ia keitou sa kunea kina na veiwekani e so, a ra sa masuti keitou me keitou tiko ga me bogi vitu: keitou sa qai lako kivaka ki Roma.

15A ra sa rogoca maikina na keitoui tukutuku ko ira na veiwekani, a ra sa lako mai ki Na rara i Apio kei Na Bure e Tolu, me ra mai veitata kei keitou: ia ni sa raici ira ko Paula, sa vakavinavinaka vua na Kalou, a sa taudei mai.

16IA ni keitou sa yaco ki Roma, sa so… ira na tamata sa vesu tu ko na turaga ni valu vua na turaga sa nonai tavi: a sa biu ko Paula me tiko duaduaga kei na tamata i valu sa vakatawai koya.

17A sa yaco, ni sa oti e tolu na bogi, sa vakasoqoni ira vata na nodra turaga na Jiu ko Paula: ia ni ra sa soqoni vata mai, sa kaya ko koya vei ira, Oi kemudou na veiwekani, au sa sega ni cakava e dua na ka ca vei ira na kai noda, se ki na nodrai valavala na noda qase, ia kaʼu a vesuki ga ka soli yani ki na ligadra na kai Roma mai Jerusalemi.

18Ia ko ira, ni ra sa lewai au, era sa vinakata me ra sereki au, e na vuku ni sa sega na ka vei au meʼu mate kina.

19Ia ni ra sa vosa-suruya ko ira na Jiu, au sa vakasaurarataki meʼu cavuti Sisari me lewai au; e sega e na vuku ni sa dua na ka kaʼu sa via beitaki ira kina na kai noqu.

200 koya o qo kaʼu sa vakasoqoni kemudou vata kina, meʼu raici kemudou ka vosa kina: niʼu sa vesu e na sinucodo o qo e na vuku ni nodrai nuinui na Isireli.

21A ra sa kaya vua, Sa sega e dua sa volai iko vei keitou mai Jutia, se dua vei ira na veiwekani sa lako mai sa vakatakila se vosataka e dua na ka ca e na vukumu:

22ia keitou sa via vakarogoci iko se cava ko sa nanuma: ni keitou sa kila ni sa vosacataki na lotu vakatani o qo e na veivanua kecega.

23A ra sa lokuca vua me dua na nona siga, a ra lewe vuqa sa lako mai ki na nona vale; a sa vakatakila vei ira ko koya ka tukuna na matanitu ni Kalou, ka vakadinadinataki Jisu vei ira mai na vunau i Mosese, kei ira na parofita, sa vakatekivu e na mataka, ka ia ga me yakavi.

24Ia sa vakadinata ko ira e so na veika sa vosataki, ka so sa sega ni vakadinata.

25Ia ni ra sa sega ni lomavata vakai ira, era sa lako tani, a sa vosataka mada eliu ko Paula e dua na vosa: Sa vosa dina na Yalo Tabu ni sa tukuna ko Isaia na parofita vei ira na noda qase,

26ka kaya, Lako vei ira na tamata o qo, ka kaya, Dou na daurogoca tikoga, ka lecava tu; ia dou na dauraica tikoga, ka sega ni kunea:

27ni sa uro mai na lomadra na tamata o qo, a sa didivara na daligadra, a sa bobo na matadra; de dua na siga ena rai na matadra, ka rogo na daligadra, ka kila na lomadra, a ra saumaki mai, ia kaʼu na vakabulai ira.

280 koya o qo mo dou qai kila, ni sa vakatalai na bula mai vua na Kalou vei ira na veimatanitu kisau; ia era na vakarogoca.

29Ia ni sa vosataka oti ko koya na veika o qo, era sa lako tani ko ira na Jiu, a ra sa veileti vakalevu vakai ira.

30A sa tiko ko Paula ka yabaki rua e na vale sa volia tiko ko koya, a sa vakacegui ira kecega era sa lako vua,

31a sa vunautaka na matanitu ni Kalou, a sa vakata-vuvulitaki Jisu Karisito na Turaga, a sa doudou sara, a sa sega na tamata sa tarova.