Meke 150 - AI VOLA TABU（FIJ1864）

Me ia na vakavinavinaka vei Jiova.

1DOU ia na vakavinavinaka vei Jiova.

Dou vakavinavinaka vua na Kalou e nona vale tabu: dou vakavinavinaka vua e na nona lomalagi kaukauwa.

2Dou vakavinavinaka vua e na vuku ni nona cakacaka kaukauwa: dou vakavinavinaka vua me vaka nai ukuuku ni kena levu.

3Dou vakavinavinaka vua e na domo ni davui: dou vakavinavinaka vua e na saliteri kei na api.

4Dou vakavinavinaka vua e na lali kei na bitunivakatagi: dou vakavinavinaka vua e nai qiriqiri vakawa kei na kove.

5Dou vakavinavinaka vua e na lali rorogo: dou vakavinavinaka vua e na lali sa rorogo vakayawa.

6Ia me vakavinavinaka vei Jiova na ka kecega sa cegu rawa. Dou ia vei Jiova na vakavinavinaka.