Meke 82 - AI VOLA TABU（FIJ1864）

Sa vunauci ira na dauveilewai.A Meke i Asafi.

1SA tu na Kalou e na nodrai soqosoqo na kaukauwa; sa lewa e na kedra maliwa na kalou.

2A cava na kena dede ni dou na lewa vakatawadodonu tiko, ka goleva na tamatai valavala ca? Sela.

3Dou lewai rau vakavinaka na malumalumu kei na luveniyali: dou kitaka na ka e dodonu vei rau na rarawa kei na dravudravua.

4Dou Vakabula na malumalumu kei na dravudravua: dou vakabulai rau mai na ligadra nai valavala ca.

5Era sa sega ni kila, ka sega ni vuku rawa; era lako voli e na butobuto: sa yavala kecega na yavu kei vuravura.

6Au a kaya, Dou sa kalou; kei na luve i Koya sa Cecere sara koi kemudou kecega:

7ia dou na mate ga me vaka na tamata, ka bale me vaka na turaga.

8Mo tu cake, na Kalou, mo lewai vuravura: ni ko na taukena na veimatanitu kecega.