Meke 36 - AI VOLA TABU（FIJ1864）

Era sa rarawa na tamata ca: sa vinaka ga na tamata e na vuku ni loloma ni Kalou.Vua na Domo-ni-meke. A Meke i Tevita na tamata i Jiova.

1SA kaya e na vu ni yaloqu nai valavala ca ni tamata ca, ni sa sega na rere vua na Kalou vei koya.

2Ni sa daudokai koya vakai koya ga, a sa kune ni sa vakasisila na nonai valavala ca.

3A vosa ni gusuna na lasu kei na veivakaisini: sa mudu ga ni vuku ka caka vinaka.

4Sa vakananuma na ca e na nonai mocemoce; sa vakataudeitaki koya e na sala sa sega ni vinaka; sa sega ni biuta na ca.

5I Jiova, sa yala ki lomalagi na nomu loloma; kei na nomu dina ki na o.

6Sa vaka na ulu-ni-vanua lelevu na nomu yalododonu; a Wasawasa levu na nomu lewa; i Jiova, ko sa maroroya na tamata kei na manumanu.

7A ka talei vakaidina na nomu yalololoma, na Kalou! o koya o qo era vakaruru kina na luve ni tamata ki ruku ni tabamu.

8Era na vakamamautaki sara e na uro ni nomu vale; ia ko na vagunuvi ira e na nomu uciwai ni marau.

9Ni sa tu vei iko na wai vure ni bula: keimami na raica na rarama e na nomu rarama.

10Me tu ga na nomu yalololoma vei ira sa kilai iko; kei na nomu yalododonu vei ira era sa yalododonu.

11Me kakua ni lako vakaca mai vei au na yava ni qaciqacia, me kakua talega ni vakasesei au na liga ni tamata ca.

12Era sa bale kike na daucakacaka ca; era sa vakabalei sobu, a ra na sega ni tu cake rawa.