Jij Yo 10 - Haitian Bible

1Alò, apre Abimélec te fin mouri, Thola, fis a Puah a, fis a Dodo a, yon nonm Issacar, te Jij 2:16 leve pou delivre Israël. Li te rete Schamir, nan peyi ti kolin Éphraïm yo.

2Li te jije Israël pandan venn-twazan. Li te mouri e te antere Schamir.

3Apre li, Jaïr Galaadit la te leve pou te jije Israël pandan venn-dezan.

4Li te gen trant fis ki te monte sou trant bourik. Konsa, yo te gen trant vil nan peyi Galaad, ke yo Nonb 32:41 rele Havvoth-Jaïr jis rive jodi a.

5Epi Jaïr te mouri e te antere Kamon.

6Alò, fis Israël yo te fè mal devan zye SENYÈ a, yo te Jij 2:13sèvi Baal yo avèk Astarté yo, dye a Syrie yo, dye a Sidon yo, dye a Moab yo, dye a fis Ammon yo, ak dye a Filisten yo. Konsa, Det 31:16yo te abandone SENYÈ a e yo pa t sèvi li.

7Kòlè SENYÈ a te brile kont Israël. Li te I Sam 12:9vann yo nan men a Filisten yo ak nan men a fis Ammon yo.

8Yo te aflije e te kraze fis Israël yo nan ane sa a. Pandan di-zuit ane, yo te aflije tout fis Israël ki te lòtbò Jourdain an nan Galaad nan peyi Amoreyen yo.

9Fis a Ammon yo te travèse Jourdain an pou yo te kab, osi, batay avèk Juda, Benjamin, avèk lakay Éphraïm. Sa te fè gwo pwoblèm pou Israël.

10Konsa, I Sam 12:10fis Israël yo te kriye fò bay SENYÈ a, e te di: “Nou te peche kont Ou, paske vrèman, nou te abandone Bondye nou an pou te sèvi Baal yo.”

11SENYÈ a te di a fis Israël yo: “Èske Mwen pa t delivre nou Jij 2:12soti nan men Ejipsyen yo, Nonb 21:21-25 Amoreyen yo, fis a Ammon yo, ak Filisten yo?

12Osi, lè Sidonyen yo, Amalekit yo avèk Maonit yo te Sòm 106:42oprime nou, nou te kriye fò ban Mwen, e Mwen te delivre nou soti nan men yo.

13Malgre sa, Jr 2:13nou te abandone Mwen pou sèvi lòt dye yo. Pou sa, Mwen p ap delivre nou ankò.

14Det 32:37Ale e kriye fò a dye sila ke nou te chwazi yo. Kite yo menm delivre nou nan tan gwo twoub nou yo.”

15Fis Israël yo te di a SENYÈ a: “Nou te peche. I Sam 3:18Fè ak nou sa ki sanble bon a Ou menm; sèlman souple delivre nou jodi a.”

16Jos 24:23Konsa, yo te retire dye etranje sila ki te pami yo pou te sèvi SENYÈ a; epi Det 32:36Li pa t kab sipòte mizè Israël ankò.

17Alò fis Ammon yo te rasanble; yo te fè kan Galaad. Epi fis a Israël yo te vin rasanble pou te fè kan an Jij 11:29Mitspa.

18Pèp la, chèf a Galaad yo te di: “Ki moun ki va ouvri batay la kont fis Ammon yo? Li menm, li va chèf sou tout pèp Galaad la.”